ମୋରଡ଼ା,୬।୫(ସ୍ମାରକ ମାଜୀ): କାଳ ବୈଶାଖୀ ପ୍ରଭାବରେ ମୟୂରଭଞ୍ଜ ଜିଲା ମୋରଡା ବ୍ଲକ ଅଧୀନ ଚିତ୍ରଡାରେ ଅଞ୍ଚଳରେ ସୋମବାର ରାତି ପ୍ରାୟ ୮ଟାରେ ପ୍ରବଳ ବେଗରେ ପବନ ବୋହିବା ସହ ବର୍ଷା ହୋଇଛି। ବର୍ଷା ପବନ ଯୋଗୁ ଚିତ୍ରଡା-ଅମର୍ଦା ୬୧ ନମ୍ବର ରାଜ୍ୟ ରାଜପଥ ଚିତ୍ରଡା ବ୍ଲକ ଛକ ପାଖରେ ଏକ ବିଶାଳ ନିମ୍ବ ଗଛ ଭାଙ୍ଗି ପଡିଛି। ଫଳରେ ରାସ୍ତାରେ ଯାତାୟାତ ବାଧାପ୍ରାପ୍ତ ହୋଇଛି।
ଖବର ନେବା ସୁଦ୍ଧା ଘଟଣାସ୍ଥଳରେ ଚିତ୍ରଡା ଦମକଳ ବାହିନୀ ପହଞ୍ଚି ନ ଥିବାର ଜଣାପଡିଛି l ତେବେ ବାରିପଦା ଆଡକୁ ଯାଉଥିବା ଏକ ବାଇକ(ଓଡି-୧୧କେ- ୬୧୯୬) ରାସ୍ତାରେ ପଡିଥିବା ଗଛକୁ ଧକ୍କା ଦେଇଥିବା ବେଳେ ଅଳ୍ପକେ ବର୍ତ୍ତିଯାଇଥିଲେ ଡ୍ରାଇଭର। ସେହିପରି ବ୍ଲକର ଛୋଟରାୟପୁର ଗ୍ରାମରେ ଜଣଙ୍କ ଘର ଉପରେ ଗଛ ପଡିଥିବାରୁ ଘରଟି ଭାଙ୍ଗି ଯାଇଥିବାର ସୂଚନା ମିଳିଛି l