ବଦାୟୁ,୧୦ ।୯: କରୋନା ମହାମାରୀ ଏବେ ଅଧିକାଂଶଙ୍କ ଜୀବନ ଜୀବିକା ଛଡାଇ ନେଇଛି କହିଲେ ଚଳେ । ଉତ୍ତର ପ୍ରଦେଶର ଜଣେ ଯୁବକ ଏବେ ବେରୋଜଗାର ହୋଇ ଦୁବଇରୁ ଘରକୁ ଫେରିଥିବା ବେଳେ ତାଙ୍କ ଉପରେ ପରିବାରର ରାଗ ଆହୁରି ଦାଉ ସାଧିଛି । ଉତ୍ତର ପ୍ରଦେଶ ବଦାୟୁର ମହମ୍ମଦ ନଇମୁଦ୍ଦିନ କିଛିବର୍ଷ ହେବ ଦୁବାଇରେ ଡ୍ରାଇଭର ଭାବେ କାମ କରୁଥିଲେ । ଏବେ କରୋନା ସଂକ୍ରମଣ ଯୋଗୁ ସେ ତାଙ୍କ ଜୀବିକା ହରାଇ ଘରୁକୁ ଫେରିଛନ୍ତି । ହେଲେ ଦୁବାଇ ଯିବା ପୂର୍ବରୁ ସେ ପ୍ରେମ ବିବାହ କରି ଯାଇଥିବାରୁ ଏବେ ତାଙ୍କ ପରିବାର ଲୋକେ ନଇମୁଦ୍ଦିନ ଓ ତାଙ୍କ ଗର୍ଭବତୀ ପତ୍ନୀଙ୍କୁ ଘରେ ପୁରାଇବାକୁ ଅରାଜି ହୋଇଛନ୍ତି । ତେବେ କରୋନା ପାଇଁ ନୁହେଁ ବରଂ ସେ ପ୍ରେମ ବିବାହ କରିଥିବାରୁ ତାଙ୍କ ପରିବାର ଏମିତି ପଦକ୍ଷେପ ନେଇଥିବା କହିଛନ୍ତି । ଏ ସମ୍ପର୍କରେ ନଇମୁଦ୍ଦିନ ପୋଲିସକୁ ଜଣାଇବା ପରେ ପୋଲିସ ତୁରନ୍ତ ଏହି ମାମଲାର ଯାଞ୍ଚ ଆରମ୍ଭ କରିଥିବା କହିଛି ।
