କରୋନା ମହାମାରୀ ସମୟରେ ବଲିଉଡ୍ ଅଭିନେତା ସୋନୁ ସୁଦ ପ୍ରବାସୀ ଶ୍ରମିକ ତଥା ଅଭାବୀ ଲୋକଙ୍କୁ ସହଯୋଗ କରି ସମସ୍ତଙ୍କ ହୃଦୟ ଜିତିପାରିଛନ୍ତି। ଲୋକେ ତାଙ୍କୁ ଯେଉଁପ୍ରକାରର ସହଯୋଗ ମାଗିଛନ୍ତି ସେ ସମସ୍ତଙ୍କୁ ସାହାଯ୍ୟ କରିଛନ୍ତି। ଏଥିପାଇଁ ଦେଶ ବାହାରେ ମଧ୍ୟ ତାଙ୍କର ଅନେକ ପ୍ରଶଂସକ ହୋଇଛନ୍ତି। ପ୍ରଶଂସକମାନେ ତାଙ୍କର ପେଣ୍ଟିଂ ତିଆରି କରି ତାଙ୍କୁ ଟ୍ବିଟରରେ ଟ୍ୟାଗ୍ କରୁଛନ୍ତି। ସେମିତି ଜଣେ ବ୍ୟକ୍ତି ହେଲେ ସୋମିତ। ସୋମିତ ଏକ ସିମ୍ କାର୍ଡରେ ସୋନୁଙ୍କ ଫଟୋ ତିଆରି କରିଛନ୍ତି। ଏହି ଫଟୋକୁ ସେ ସୋନୁଙ୍କୁ ଟ୍ୟାଗ୍ କରି ଲେଖିଛନ୍ତି, ସୋନୁ ସୁଦ ସାର୍, ଆପଣଙ୍କ ଫଟୋ ମୁଁ ସିମ୍ କାର୍ଡରେ ତିଆରି କରିଛି। ଆପଣଙ୍କୁ ଏହା କିପରି ଲାଗୁଛି। ଆମେ ଆପଣଙ୍କ ପାଇଁ ଗର୍ବିତ। ଏହାର ଉତ୍ତରରେ ସୋନୁ ମଜାଳିଆ ଅନ୍ଦାଜରେ ଜିଭ ଥିବା ଇମୋଜି ସହ ଲେଖିଛନ୍ତି ୧୦ ଜି ନେଟଓ୍ବର୍କ। ଏହି ଫଟୋକୁ ଲୋକେ ଖୁବ୍ ପସନ୍ଦ କରୁଛନ୍ତି।