ଅହମଦାବାଦ,୧୯ା୧୧: ନରେନ୍ଦ୍ର ମୋଦି ଷ୍ଟାଡିୟମରେ ଫାଇନାଲ ମ୍ୟାଚ୍ ଚାଲିଥିବା ସମୟରେ ଜଣେ ପ୍ରଶଂସକ ସୁରକ୍ଷା କର୍ମୀଙ୍କୁ ଭେଦ କରି କୋହଲିଙ୍କୁ ଆଲିଙ୍ଗନ କରିବା ପାଇଁ ପଡିଆରେ ପଶିଛନ୍ତି। ଏଥିପାଇଁ ଫାଇନାଲ୍ ମ୍ୟାଚ୍ କିଛି ମିନିଟ୍ ବାଧାପ୍ରାପ୍ତ ହୋଇଥିଲା।
୧୪ ତମ ଓଭରରେ ଏହି ଘଟଣା ଘଟିଥିଲା ଯେତେବେଳେ ଜଣେ ପ୍ରଶଂସକ ସୁରକ୍ଷା କର୍ଡନକୁ ଚକମା ଦେବା ସହ ପଡ଼ିଆକୁ ଯିବାରେ ସଫଳ ହୋଇଥିଲେ। ପ୍ରଶଂସକ ଜଣକ ତାଙ୍କର ଏକ ଟି-ସାର୍ଟ ପିନ୍ଧିଥିଲେ ଯେଉଁଥିରେ “ପାଲେଷ୍ଟାଇନ ଉପରେ ବୋମା ବିସ୍ଫୋରଣ ବନ୍ଦ କର” ଲେଖାଥିଲା ଏବଂ ତାଙ୍କ ସହ ପାଲେଷ୍ଟାଇନ ପତାକା ମଧ୍ୟ ଧରିଥିଲେ। ଏପରିକି ତାଙ୍କ ଫେସ୍ ମାସ୍କରେ ପାଲେଷ୍ଟାଇନ ପତାକା ରହିଥିଲା। ତେବେ ପଡିଆରେ ପ୍ରବେଶ କରିବା ପାଇଁ ସୁରକ୍ଷା ଭଙ୍ଗ କରିଥିବା ପାଲେଷ୍ଟାଇନ ସମର୍ଥକଙ୍କୁ ପୋଲିସ ଗିରଫ କରିଛି ।
#FreePalestine message makes it to the Narendra Modi Stadium
The pitch invader we did not see on broadcast sported a mask with the Palestine flag colours and a plea to stop the bombing in Gaza on his shirt. #CWC23 #INDvsAUSfinal #INDvAUS pic.twitter.com/g9LK87QXiz
— Lavanya 🎙️🎥👩🏻💻 (@lav_narayanan) November 19, 2023
ତେବେ ଫାଇନାଲ ମୁକାବିଲାରେ ଆରମ୍ଭରୁ ଭାରତର ଉଭୟ ଓପନିଂ ବ୍ୟାଟର ଭଲ ଖେଳୁଥିଲେ ମଧ୍ୟ ପ୍ରଥମେ ଶୁଭମନ ଗିଲ, ରୋହିତ ଶର୍ମା (୪୭) ଙ୍କ ପରେ ଶ୍ରେୟସ୍ ଆୟର ପ୍ୟାଭିଲିୟନ ଫେରିସାରିଛନ୍ତି। ଗିଲ ୭ ବଲରେ ୪ ରନ କରି ଆଉଟ ହୋଇଥିବା ବେଳେ ଶ୍ରେୟସ ୩ ବଲରେ ୪ ରନ କରି ଆଉଟ ହୋଇଥିଲେ। ଫଳରେ ଭାରତ ୧୨ ଓଭରରେ ୮୨ ରନ କରି ତୃତୀୟ ୱିକେଟ୍ ହରାଇ ସଂକଟରେ ପଡିଥିଲା। ପରେ କୋହଲି ଏବଂ କେଏଲ ରାହୁଲ କ୍ରିଜରେ ଭାରତୀୟ ଇନିସ ସମ୍ଭାଳିବାକୁ ଚେଷ୍ଟା କରୁଛନ୍ତି। ଅଷ୍ଟ୍ରେଲୀୟ ଅଧିନାୟକ ପ୍ୟାଟ କମିନ୍ସ ଟସ୍ ଜିତି ଭାରତ ବିପକ୍ଷରେ ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଛନ୍ତି।
