ଆଇପିଏଲ ୨୦୨୦ରେ ଚେନ୍ନାଇ ସୁପର କିଙ୍ଗ୍ସ ଏପର୍ଯ୍ୟନ୍ତ ୬ଟି ମ୍ୟାଚ୍ ଖେଳି ୪ଟିରେ ପରାଜୟର ସମ୍ମୁଖୀନ ହୋଇଛି। ବୁଧବାର କୋଲକାତା ନାଇଟ ରାଇଡର୍ସଠାରୁ ଦଳ ୧୦ ରନରେ ପରାସ୍ତ ହୋଇଛି। ଚେନ୍ନାଇ ଦଳ ଏହି ମ୍ୟାଚ୍ ଜିତିବା ନିଶ୍ଚିତ ଲାଗୁ ଥିଲେ ହେଁ ଖରାପ ବ୍ୟାଟିଂ ଯୋଗୁ ପରାଜୟ ଭୋଗିବାକୁ ପଡିଛି। ଏହି ପରାଜୟ ପରେ ସୋସିଆଲ ମିଡିଆରେ ପ୍ରଶଂସକମାନେ ଚେନ୍ନାଇର ଖରାପ ବ୍ୟାଟିଂକୁ କ୍ରମାଗତ ସମାଲୋଚନା କରୁଛନ୍ତି। ପ୍ରଶଂସକଙ୍କ ଟାର୍ଗେଟରେ ଏବେ କେଦାର ଯାଦବ ଅଛନ୍ତି।
୧୬୮ ରନର ଲକ୍ଷ୍ୟକୁ ପିଛା କରି ପକାଇ ଚେନ୍ନାଇ ଦଳ ୧୨ ଓଭରରେ ଗୋଟିଏ ଉଇକେଟ ହରାଇ ୯୯ ରନ ସଂଗ୍ରହ କରିଥିଲା। ଏହି ସମୟରେ ଚେନ୍ନାଇର ବିଜୟ ନିଶ୍ଚିତ ଥିଲା। ଏହି ସମୟରେ ଦଳକୁ ୪୭ଟି ବଲରୁ ମାତ୍ର ୬୯ ରନ ଆବଶ୍ୟକ ଥିଲା। ଉଇକେଟ୍ ମଧ୍ୟ ହାତରେ ଥିଲା। କିନ୍ତୁ ଶେଷ ମୁହୂର୍ତ୍ତରେ ଖରାପ ବ୍ୟାଟିଂ ହେତୁ ଚେନ୍ନାଇ ମ୍ୟାଚ ହାରିଥିଲା। ପରାଜୟ ପରେ ସୋସିଆଲ ମିଡିଆରେ ପ୍ରଶଂସକମାନେ କେଦାର ଯାଦବଙ୍କୁ ସମାଲୋଚନା କରିଛନ୍ତି। ଯାଦବ ଶେଷ ସମୟରେ ୧୨ଟି ବଲ୍ ଖେଳି ମାତ୍ର ୭ ରନ୍ କରି ଅପରାଜିତ ଥିଲେ। କେଦାର ଯାଦବ କାହିଁକି ବ୍ୟାଟିଂ କରୁନାହାନ୍ତି ସିବିଆଇ ଯାଞ୍ଚ୍ କରାଯାଉ ବୋଲି କିଛି ପ୍ରଶଂସକ କହିଛନ୍ତି।
