ମୁମ୍ବାଇ: ଫରହାନ ଅଖତରଙ୍କୁ ନେଇ ଏକ ବଡ ଖବର ଆସିଛି । କଥା ହେଲା ଖୁବଶୀଘ୍ର ଆପଣମାନେ ଫରହାନଙ୍କୁ ମାର୍ବଲର ନୂଆ ସିରିଜ ‘ମିସ ମାର୍ବଲ’ରେ ଦେଖିପାରିବେ । ଏସବୁ ଭିତରେ ଫରହାନଙ୍କ ଫ୍ୟାନମାନଙ୍କ ପାଇଁ ଏହି ଗୁଡ ନ୍ୟୁଜ ଆସିଛି । ଏହି ଗୁଡ ନ୍ୟୁଜଙ୍କୁ ଶେୟାର କରିଛନ୍ତି ଫରହାନଙ୍କ ପତ୍ନୀ ଶିବନୀ ଦାଣ୍ଡେକର । ଏହାକୁ ନେଇ ସେ ରିଆକ୍ଟ ବି କରିଛନ୍ତି ।
ଶିବନୀ ଇନଷ୍ଟାଗ୍ରାମରେ ଏକ ପୋଷ୍ଟ ଶେୟାର କରିଛନ୍ତି । ଏହି ପୋଷ୍ଟ ଅନୁଯାୟୀ, ଫରହାନ ଅଖତର ମିସ ମାର୍ବଲର କଳାକାରଙ୍କ ଅଂଶ ହେବେ ଓ ମାର୍ବଲ ଷ୍ଟୁଡିଓଜର ପ୍ରଥମ ମୁସଲିମ ସୁପରହିରୋ ସିରିଜ ‘ମିସ ମାର୍ବଲ’ରେ ନଜର ଆସିବେ । କୁହାଯାଉଛି ଏହା ଇମାନ ବିଲ୍ଲାନିଙ୍କୁ କମଲା ଖାଁ ଭାବେ ଦେଖାଇବେ, ଯିଏ କି ଜର୍ସି ସିଟିରେ ବଢିଥିବା ଜଣେ ମୁସଲିମ ଆମେରିକୀୟ କିଶୋର ଅଟନ୍ତି । ତେବେ ଫରହାନ ଅଖତର କେଉଁ ଚରିତ୍ରରେ ଆସିବେ ତାହ ଏପର୍ଯ୍ୟନ୍ତ ସ୍ପଷ୍ଟ ହୋଇନାହିଁ । ତେବେ ସେ ଗେଷ୍ଟ ଆପିୟରାନ୍ସରେ ଆସିବେ ବୋଲି ଶୁଣିବାକୁ ମିଳିଛି । ହେଲେ ଏହା ଖୁବ୍ ମଜଭୁତ ଓ ମୁଖ୍ୟ ଚରିତ୍ର ବୋଲି କୁହାଯାଉଛି ।
ଏହି ବଡ ଖବରକୁ ଶେୟାର କରି ଶିବାନୀ ଦାଣ୍ଡେକର କ୍ୟାପଶନରେ ଲେଖିଛନ୍ତି, ଏଥିପାଇଁ ଆଉ ଅପେକ୍ଷା କରି ହେବନି! ମାର୍ବଲ ୟୁନିଭର୍ସର ଅଂଶ ହେବାକୁ ଯାଉଥିବା ମୁଖ୍ୟଧାରାରେ ଭାରତୀୟ ଆକ୍ଟର । ଆପଣଙ୍କ ଉପରେ ଗର୍ବ ଆସଛି । ସୂଚନାଯୋଗ୍ୟ, ଚଳିତ ବର୍ଷ ଫେବୃୟାରୀ ୧୯ରେ ଫରହାନ ଅଖତର ଓ ଶିବାନୀ ଦାଣ୍ଡେକର ଖଣ୍ଡାଲାରେ ଜାଭେଦ ଅଖତର- ଶବାନା ଆଜମୀଙ୍କ ଫାର୍ମରେ ବିବାହ କରିଥିଲେ । ଆଉ ଏହି ବିବାହର ଫଟୋ ଭାଇରାଲ ହେବା ପରେ ଶିବାନି ଖୁବଶୀଘ୍ର ମାଆ ହେବାକୁ ଯାଉଛନ୍ତି ବୋଲି ଆଲୋଚନା ହେଉଥିଲା । ହେଲେ ସେମିତି କିଛି ନ ଥିଲା ।