ପଦ୍ମପୁର, ୨୪ା୮(ପ୍ରଦୀପ୍ତ ଦାଶ): ବରଗଡ଼ ଜିଲା ପଦ୍ମପୁର ବ୍ଲକ ଅଧିନ ସାପଲହର କ୍ଷୁଦ୍ର ଜଳସେଚନ ପ୍ରକଳ୍ପରେ ପର୍ଯ୍ୟପ୍ତ ପରିମାଣରେ ପାଣି ରହିଛି। ଗତ ୪୦ ବର୍ଷଧରି ପ୍ରକଳ୍ପ ଅଧୀନ ଚାଷୀ ଜଲକର ଦେଉଛନ୍ତି। ହେଲେ ମୁଖ୍ୟ କେନାଲ ମରାମତି କାର୍ଯ୍ୟର ଅବହେଳା ହେତୁ ପୁରେନା ଏବଂ ସତୀଭଟା ଗ୍ରାମର ଚାଷୀ ମରୁଡିର ଶିକାର ହେଉଛନ୍ତି। ଏହି ଦୁଇ ଗ୍ରାମର ଚାଷୀଙ୍କ ଜମି ଶୁଖିଗଲାଣି। ବାରମ୍ବାର ବିଭାଗୀୟ ଅଫିସର ଓ ସହକାରୀ ଯନ୍ତ୍ରୀଙ୍କୁ ଜଣାଇଥିଲେ ସୁଦ୍ଧା ଏହାର କୌଣସି ଆଶୁ ସମାଧାନ କରାଯାଉ ନାହିଁ। ଅନ୍ୟନୋପାୟ ହୋଇ ବୁଧବାର ସତୀଭଟା ଓ ପୁରେନା ଗ୍ରାମର ଚାଷୀମାନେ ନିଜେ କେନାଲ ସଫେଇ କରିଥିଲେ l ସତୀଭଟା ଗ୍ରାମର ଚିତ୍ତ ରଞ୍ଜନ ପଣ୍ଡା, ହରିବୋଲ ରଣା, କିଶୋର ସାହୁ, ଯଶୋବନ୍ତ ନାୟକ, କିଶୋର ପାଣିଗ୍ରାହୀ, ବିଭୂତି ଭୂଷଣ ନାଏକ, ବଣୁଧର ସେଠ ଓ ପୁରେନା ଗ୍ରାମରୁ ଦେବରାଜ ସାହୁ, ଲକ୍ଷପତି ସାହୁ, ମୀନ ସାହୁ, ଯୀଶୁରାମ ସାହୁ ତଥା ଅନ୍ୟନ୍ୟ ଚାଷୀ କେନାଲ ସଫେଇରେ ସାମିଲ ହୋଇଥିଲେ l