କେସିଙ୍ଗା,୨ା୧(ତୁମେଶ୍ୱର ସାହୁ): କଳାହାଣ୍ଡି ଜିଲା କେସିଙ୍ଗା ବ୍ଲକ ତୁଣ୍ଡଳା ଗ୍ରାମର ଜଣେ ଚାଷୀ ଧାନର କଟ୍ନି ଛଟ୍ନିକୁ ବିରୋଧ କରି ତୁଣ୍ଡଳା ପ୍ୟାକ୍ସ ଆଗରେ ଦୁଇ ଦିନ ହେଲା ଆମରଣ ଅନଶନ କରିଛନ୍ତି। ତୁଣ୍ଡଳା ଗ୍ରାମର ଜଣେ ଶ୍ରେଷ୍ଠ ଚାଷୀ ହେଲେ ଧନଞ୍ଜୟ ସାହୁ। ଧନଞ୍ଜୟଙ୍କ ଅଭିଯୋଗକ୍ରମେ ଏ ବର୍ଷ ଚାଷୀ ଧାନକୁ ଭଲ ଭାବେ ଶୁଖାଇ ସଫାସୁତରା କରିଥିଲେ ମଧ୍ୟ କଟ୍ନିର ଶିକାର ହେଉଛି। ତୁଣ୍ଡଳା ପ୍ୟାକ୍ସରେ କୁଇଣ୍ଟାଲ ପ୍ରତି ୬ କେଜି ଧାନ କଟାଯାଉଥିବାବେଳେ ଚାଷୀଙ୍କୁ ବସ୍ତା ଯୋଗାଇ ଦିଆଯାଉ ନାହିଁ। ୨୫ ଟଙ୍କା ଦେଲେ ବସ୍ତା ଦିଆଯାଉଥିବା ଅଭିଯୋଗ କରି ଧନଞ୍ଜୟ ପ୍ୟାକ୍ସ ସମ୍ମୁଖରେ ମହାତ୍ମା ଗାନ୍ଧୀଙ୍କ ଫୋଟୋଚିତ୍ର ରଖ ଆମରଣ ଅନଶନରେ ବସିଛନ୍ତି। କଟ୍ନି ବନ୍ଦ ସହ ଚାଷୀଙ୍କୁ ବସ୍ତା ଯୋଗାଇଦିଆ ନ ଯିବା ପର୍ଯ୍ୟନ୍ତ ଅନଶନ ଜାରି ରହିବ ବୋଲି ସେ ବୁଧବାର , ଗୁରୁବାର ବସିଛନ୍ତି। ତାଙ୍କର ଏଭଳି ପଦକ୍ଷେପକୁ ଅଞ୍ଚଳର ଚାଷୀମାନେ ସମର୍ଥନ କରୁଥିବା ଦେଖିବାକୁ ମିଳୁଛି। ଯେତେବେଳେ ସରକାର କ୍ୱିଣ୍ଟାଲ ପିଛା ୩୧୦୦ ଟଙ୍କା ଓ ବିନା କଟ୍ନି ଛଟ୍ନିରେ ଧାନ ଉଠା ହେବ ବୋଲି ଘୋଷଣା କରିଥିଲେ ଓ ଚାଷୀକୁଳରେ ଖୁସିର ଲହରି ଖେଳି ଯାଇଥିଲା। ଧାନର ମୂଲ୍ୟ ବୃଦ୍ଧି ଓ ବିନା କଟ୍ନିଛଟ୍ନିକୁ ଦୃଷ୍ଟିରେ ରଖି ଚାଷୀ ଧାନକୁ ଭଲ ଭାବେ ଶୁଖାଇ ସଫା କରି ମଣ୍ଡିକୁ ଆଣି ବାର ଦେଖାଦେଇଛି।
ଏହା ସତ୍ତ୍ବେ କଟ୍ନି ଛଟ୍ନି ହେବାରୁ ଚାଷୀକୁଳ ଆଜି ନିରାଶ ହୋଇଛନ୍ତି। ତୁଣ୍ଡଳା ପଞ୍ଚାୟତର ସମବାୟ କେନ୍ଦ୍ର ସମ୍ମୁଖରେ ଧାନ ଉଠାଣ ପ୍ରକ୍ରିୟା କୁ ବିରୋଧ କରି ବନ୍ଦ ପଡ଼ା (କଟାପଦା) ଗ୍ରାମର ସଞ୍ଜୟ ସାହୁ ଅଞ୍ଚଳର ସମସ୍ତ ଚାଷୀଙ୍କ ସମର୍ଥନରେ ବୁଧବାର ସକାଳ ୭ଟାରୁ ଭୋକ ଉପାସରେ ଆମରଣ ଅନଶନରେ ବସିଛନ୍ତି।
ଏହା ଜାଣିବା ପରେ କେସିଙ୍ଗା ବିଡିଓ ପଦ୍ମନାଭ ପୁରୋହିତ ଓ ତହସିଲଦାର ପ୍ରଶାନ୍ତି ପ୍ରଧାନ ଘଟଣାସ୍ଥଳରେ ପହଞ୍ଚି ସାହୁଙ୍କୁ ବୁଝାଶୁଝା କରି ଆନ୍ଦୋଳନରୁ ଓହରି ଯିବାକୁ ଅନୁରୋଧ କରିଥିଲେ। କିନ୍ତୁ ଏହା ସମାଧାନ ନ ହେବା ଉଠିବେ ନାହିଁ ବୋଲି ସାହୁ ରୋକ୍ଠୋକ୍ ମନା କରିଥିଲେ। ପରେ କେସିଙ୍ଗା ଆଇଆଇସି ପ୍ରଦ୍ୟୁମ୍ନ ମହାପାତ୍ର ସ୍ଥିତି ଅନୁଧ୍ୟାନ ପାଇଁ ଯାଇ ଘଟଣାସ୍ଥଳରେ ପହଞ୍ଚିଥିଲେ।
ଦ୍ୱିତୀୟ ଦିନରେ ସମର୍ଥନ ପାଇଁ ଯୁବ ନେତା ତଥା ସମାଜ ସେବୀ ସୁରେଶ ରାଓ, ସୁରେଶ ଚୌଧୁରୀ(ଜିଲାପରିଷଦ ସଭ୍ୟ କର୍ଲାମୁଣ୍ଡା ବ୍ଲକ)ଚାଷୀ ତରଣୀ ସେନ ସିଂ ପହଞ୍ଚି ତାଙ୍କୁ ସମର୍ଥନ ଦେଇଛନ୍ତି। ପୂର୍ବତନ ସରପଞ୍ଚ ଭଗବାନ ସାହୁ, ଜୟନ୍ତ ସାହୁ, ଲୋକେଶ ସାହୁ, ଦାଶରଥି ପ୍ରଧାନ, ଲିଙ୍ଗରାଜ ପ୍ରଧାନ, ପ୍ରହ୍ଲାଦ ସାହୁ, ମନୋହର ମାଝୀ, ଦୁର୍ଯ୍ୟୋଧନ ପ୍ରଧାନ, ଚଳାଚଳ ପ୍ରଧାନ ଓ ମୋହନ ସାହୁ ପ୍ରମୁଖ ଉପସ୍ଥିତ ଥିଲେ।