ନୂଆଦିଲ୍ଲୀ, ୨୨।୦୭: ଏମ୍ଏସ୍ପି ଗ୍ୟାରେଣ୍ଟି ଆଇନ୍ ସମେତ ଅନ୍ୟ କେତେକ ଦାବିକୁ ନେଇ କେନ୍ଦ୍ର ସରକାରଙ୍କ ବିରୋଧରେ ପୁଣିଥରେ ରାସ୍ତାକୁ ଓହ୍ଲାଇବେ କୃଷକ । ଏନେଇ ରାଜଧାନୀ ଦିଲ୍ଲୀରେ ବଡ଼ ଘୋଷଣା କରିଛନ୍ତି କୃଷକ ସଂଗଠନ । ଦିଲ୍ଲୀର ଏକ କ୍ଲବରେ କିଷାନ ମଜଦୁର ରାଷ୍ଟ୍ରୀୟ ସମ୍ମିଳନୀ ଆୟୋଜିତ ହୋଇଛି । ଏହି ସମ୍ମିଳନୀରେ ସଂଯୁକ୍ତ କିଷାନ ମୋର୍ଚ୍ଚା ଏବଂ କିଷାନ ମଜଦୁର ମୋର୍ଚ୍ଚା ସାମିଲ୍ ହୋଇଥିବା ଜଣାପଡ଼ିଛି ।
ଏହି ସମ୍ମିଳନୀରେ କୃଷକ ସଂଗଠନ ୧ ଅଗଷ୍ଟରେ ସାରା ଦେଶରେ କେନ୍ଦ୍ର ସରକାରଙ୍କ ବିରୋଧରେ ବିକ୍ଷୋଭ ପ୍ରଦର୍ଶନ କରିବ । ଏଥି ସହିତ କ୍ରିମିନାଲ ଆଇନ୍କୁ ନେଇ ମଧ୍ୟ ସଂଗଠନ ପ୍ରତିବାଦ କରିବ । ଦେଶର ପ୍ରତ୍ୟେକ ଜିଲାର ହେଡ୍କ଼୍ବାର୍ଟର ଅଞ୍ଚଳରେ ସମସ୍ତ କୃଷକ ଆନ୍ଦୋଳନ କରିବେ । ଅନ୍ୟପଟେ ୧୫ ଅଗଷ୍ଟରେ ସାରା ଦେଶରେ ଟ୍ରାକ୍ଟର ମୋର୍ଚ୍ଚା ରାଲି ବାହାରିବ ବୋଲି ସଂଗଠନ ପକ୍ଷରୁ କୁହାଯାଇଛି ।
