ନୂଆଦିଲ୍ଲୀ,୩୦ ।୧୧: କେନ୍ଦ୍ର ସରକାରଙ୍କ କୃଷି ବିଲକୁ ନେଇ ଗତ ପ୍ରାୟ ୫ଦିନ ହେବ ପଞ୍ଜାବ. ହରିୟାଣା, ରାଜସ୍ଥାନ ଆଦିର କୃଷକମାନେ ଆନ୍ଦୋଳନକୁ ଓହ୍ଲାଇଥିବା ବେଳେ ସୋମବାର ମଧ୍ୟ ଏହା ଜାରି ରହିଛି । ସିନ୍ଧୁ ସହ ଟିକରି ଓ ଦିଲ୍ଲୀ-ୟୁପି ସୀମାରେ ବି କୃଷକମାନେ ବିରୋଧ ପ୍ରଦର୍ଶନ କରି ଚାଲିଛନ୍ତି । ଏବେ ଦିଲ୍ଲୀ ପୋଲିସର ସୂଚନା ଅନୁଯାୟୀ, ସିନ୍ଧୁ ଓ ଟିକରି ସୀମାରେ ସମସ୍ତ ଯାତାୟାତକୁ ବନ୍ଦ କରି ଦିଆଯାଇଛି । ସୂଚନାଯୋଗ୍ୟ, କେନ୍ଦ୍ର ସରକାରଙ୍କ ଦ୍ୱାରା ଆଗତ ୩ କୃଷି ନିୟମକୁ ପୁଣିଥରେ ପ୍ରତ୍ୟାହାର କରିବା ଦାବିରେ କୃଷକମାନେ ୩ ପଟରୁ ଘେରି ରହିଛନ୍ତି । ହରିୟାଣାକୁ ଲାଗି ରହିଥିବା ସିନ୍ଧୁୁ ଓ ଟିକରି ସୀମା ସହ ଉତ୍ତରପ୍ରଦେଶ ଗେଟ ନିକଟରେ ବି କୃଷକମାନେ ଆନ୍ଦୋଳନ କରିଛନ୍ତି । ସୋମବାର ସକାଳୁ ୟୁପି ଗେଟ ନିକଟରେ ଆନ୍ଦୋଳନକୁ ବଢାଇ ଦିଆଯାଇଛି ।