ମୁମ୍ବାଇ: ବଲିଉଡ୍ ନାୟିକା ସୋନାକ୍ଷୀ ସିହ୍ନା ସୋସିଆଲ ମିଡିଆରେ ଖୁବ୍ ଆକ୍ଟିଭ । ସମୟ ସମୟରେ ସେ ପୋଷ୍ଟ କରୁଥିବା ଫଟୋ, ଭିଡିଓ ତାଙ୍କ ପ୍ରଶଂସକଙ୍କୁ ବେଶ୍ ପସନ୍ଦ ଆସିଥାଏ । କିଛିଦିନ ହେବ ଟୁଇଟରକୁ ଅଲବିଦା କହିଥିବା ସୋନାକ୍ଷୀ କିନ୍ୁ ଇନଷ୍ଟାଗାମରେ ଖୁବ୍ ଆକ୍ଟିଭ । ନିକଟରେ ସେ ଇନଷ୍ଟାଗ୍ରାମରେ ଶେୟାର କରିଥିବା ଏକ କବିତା ଏବେ ଭାଇରାଲ ହେବାରେ ଲାଗିଛି । କିଛିଦିନ ହେବ କେନ୍ଦ୍ର ସରକାରଙ୍କ ନୂଆ କୃଷି ଆଇନକୁ ବିରୋଧ କରି ଆନ୍ଦୋଳନରେ ବସିଥିବା କୃଷକମାନଙ୍କ ଉଦ୍ଦେଶ୍ୟରେ ସୋନାକ୍ଷୀ ଏହି କବିତା ପୋଷ୍ଟ କରିଛନ୍ତି । ଏହାର ଏକ ଭିଡିଓ ସେ ସୋସିଆଲ ମିଡିଆର ପୋଷ୍ଟ କରିଛନ୍ତି । ଯେଉଁଥିରେ କୃଷକମାନେ ନଜର ଆସିଥିବା ବେଳେ ବ୍ୟାକଗ୍ରାଉଣ୍ଡରେ ତାଙ୍କର କବିତା ଶୁଣିବାକୁ ମିଳିଛି । କବିତାର ଶୀର୍ଷକ ରହିଛି, ‘ନଜରେ ମିଲାକେ ଖୁଦ େ ପୁଛୋ-କ୍ୟୁଁ’ । ଏହାକୁ ପୋଷ୍ଟ କରି ସେ ଲେଖିଛନ୍ତି ଏହା ସେଇମାନଙ୍କୁ ଉତ୍ସର୍ଗିକୃତ ଯେଉଁମାନଙ୍କ ପାଇଁ ସାରା ଦେଶବାସୀ ପ୍ରତିଦିନ ଭୋଜନ କରିପାରୁଛନ୍ତି । ସୋନାକ୍ଷୀଙ୍କ ଏହି ପୋଷ୍ଟକୁ ଅନେକ ଲୋକ ପସନ୍ଦ କରୁଥିବା ବେଳେ ତାଙ୍କର ପ୍ରଶଂସା ବି କରିଛନ୍ତି ।
