କର୍ଲାମୁଣ୍ଡା୬।୧(ପ୍ରଦୀପ କୁମାର ସାହୁ): କଳାହାଣ୍ଡି ଜିଲା କର୍ଲାମୁଣ୍ଡା ବ୍ଲକରେ ଇଣ୍ଡୋ ଗ୍ଲୋବାଲ ସୋସିଆଲ ସର୍ଭିସ ଷୋସାଇଟି ପକ୍ଷରୁ ଓଡ଼ିଶା ସରକାରଙ୍କ ଶ୍ରୀଅନ୍ନ ଅଭିଯାନ ସଚେତନ କାର୍ଯ୍ୟକ୍ରମ ଆରମ୍ଭ ହୋଇଛି। କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ବ୍ଲକ କୃଷି ଅଧିକାରୀ ଜିତେନ୍ଦ୍ର କୁମାର ସିଂ, ଚାଷୀ ନେତା ଗୋବିନ୍ଦ ସାହୁ, ଓଡ଼ିଶା ଜୀବନଜୀବିକା ମିଶନର ବ୍ଲକ କାର୍ଯ୍ୟକ୍ରମ ସଂଯୋଜକ ସରୋଜିନୀ ପ୍ରଧାନ, କର୍ଲାମୁଣ୍ଡା ଭାରପ୍ରାପ୍ତ ଏଓ ଲୋକନାଥ ନାଗ, କୃଷି କର୍ମୀ ସୁରଜ ସାହୁ, ଶ୍ରୀଅନ୍ନ ଅଭିଯାନର ଅତିରିକ୍ତ କାର୍ଯ୍ୟକ୍ରମ ସଂଯୋଜକ ପ୍ରଦୀପ କୁମାର ସାହୁ ପ୍ରମୁଖ ଯୋଗଦେଇ ସଚେତନ ରଥକୁ ଉଦ୍ଘାଟନ କରିଥିଲେ।
ସଚେତନତା ରଥ ଓଡ଼ିଶା ସରକାରଙ୍କ ଶ୍ରୀଅନ୍ନ ଅଭିଯାନ ପ୍ରକଳ୍ପର ୫୪ଟି ଗାଁରେ ପହଞ୍ଚି ଚାଷୀଙ୍କୁ ମଣ୍ଡିରେ ମାଣ୍ଡିଆ ବିକ୍ରି କରି ଉପଯୁକ୍ତ ମୂଲ୍ୟ ପାଇବା ପାଇଁ ସଚେତନ କରିବ। ଏପରିକି କ୍ଷୁଦ୍ରଶଷ୍ୟ ଚାଷ ପାଇଁ ବିଭିନ୍ନ କୌଶଳ, ସରକାରୀ ସହାୟତା ବିଷୟରେ ସଚେତନ କରାଯିବାକୁ ଲକ୍ଷ୍ୟ ରଖାଯାଇଛି। କାର୍ଯ୍ୟକ୍ରମକୁ ବାଲ୍ମୀକି ଛତ୍ରୀଆ, ଭାନୁମତି ପଧାନ, କମଳ ସୁନା, ଦେବାଶିଷ ନାଗ ପ୍ରମୁଖ ସହଯୋଗ କରିଥିଲେ।
