ନୂଆଦିଲ୍ଲୀ,୨୩।୧୨: କୃଷକ ଆଇନ ବିରୋଧରେ କୃଷକଙ୍କ ଆନ୍ଦୋଳନ ୨୮ତମ ଦିନରେ ପହଞ୍ଚିଛି। ଏହି ଆନ୍ଦୋଳନକୁ ଶେଷ କରିବା ପାଇଁ ସରକାର ପୁଣି ଥରେ ବୁଝାମଣା ପାଇଁ ଏକ ପ୍ରସ୍ତାବ ପଠାଯାଇଥିଲେ ଯାହାକୁ କୃଷକମାନେ ପ୍ରତ୍ୟାଖ୍ୟାନ କରିଛନ୍ତି। କୃଷକ ସଂଗଠନ ପକ୍ଷରୁ କୁହାଯାଇଛି ଯେ, ଆମେ ୩ଟି ଆଇନରେ କୌଣସି ପରିବର୍ତ୍ତନ ବିଷୟରେ କହୁ ନାହୁଁ ବରଂ ତିନୋଟି ଆଇନର ରଦ୍ଦ କରିବାକୁ ଦାବି କରୁଛୁ। ସିଂଘୁ ସୀମାରେ ସରକାରଙ୍କ ପ୍ରସ୍ତାବ ଉପରେ ଆଲୋଚନା ପାଇଁ ବୁଧବାର କୃଷକ ସଂଗଠନର ଏକ ବୈଠକ ଡକାଯାଇଥିଲା। ବୈଠକ ପରେ କୃଷକ ସଂଗଠନ କହିଛି ଯେ, ଏମଏସପି ନେଇ ସରକାରଙ୍କ ତରଫରୁ ଆସିଥିବା ପ୍ରସ୍ତାବରେ କିଛି ସ୍ପଷ୍ଟ କରାଯାଇ ନାହିଁି। ସରକାରଙ୍କ ପ୍ରସ୍ତାବ ଏତେ ହାସ୍ୟାସ୍ପଦ ଯେ ଏହାର ଉତ୍ତର ଦେବା ଠିକ ନୁହେଁ। ସରକାର ଲିଖିତ ଆକାରରେ ଠୋସ ପ୍ରସ୍ତାବ ପଠାଇବା ସହ ଖୋଲା ମନରେ ଆଲୋଚନା ପାଇଁ ଆହ୍ବାନ ଦେବା ଉଚିତ୍। କୃଷକମାନେ ଏଥର ଚେତାବନୀ ଦେଇଛନ୍ତି ଯେ, ସରକାର ନିଆଁ ସହିତ ଖେଳନ୍ତୁ ନାହିଁ ନଚେତ୍ ବଡ଼ କ୍ଷତି ହେବ।
