କେନ୍ଦୁଝର, ୬।୬ କେନ୍ଦୁଝର ବଣ ପାହାଡ଼ରେ ବିଭିନ୍ନ ଜାତିର ଓ ରଙ୍ଗର ଫୁଲ ବିଭିନ୍ନ ଋତୁରେ ଶୋଭାବର୍ଦ୍ଧନ କରିଥାଏ। ସେଥିମଧ୍ୟରୁ କୁରୁସି ବା କୁରେଇ ଫୁଲ ଅନ୍ୟତମ। ବିଶେଷ କରି ଏହି ଋତୁରେ ଧଳା ରଙ୍ଗର ଏହି ଫୁଲ ସମସ୍ତଙ୍କୁ ବିମୋହିତ କରିଥାଏ ା ଏହି ଜଙ୍ଗଲୀ ଫୁଲ ଲେଖକ ଓ କବିଙ୍କୁ ମଧ୍ୟ ଆକର୍ଷିତ କରିଥାଏ ା
ବିଶେଷ କରି ମହିଳାଙ୍କ ଏହି ଫୁଲ ଅଧିକ ପସନ୍ଦ। କାମ କରିବାକୁ ଗଲେ ବା ହାଟବଜାର ଗଲେ ଏହି ଫୁଲକୁ ଗଭାରେ ଖୋଷି ସଜ୍ଜିତ ହୋଇ ଯାଇଥାନ୍ତି। ଯାହାକି ସେମାନଙ୍କ ପରିପାଟୀକୁ ଅଧିକ ଆକର୍ଷଣୀୟ କରିଥାଏ। ସେହିପରି ଏହି ଫୁଲ ପ୍ରଦାନ କରି ଓ ଏହାର ମାଳ ପିନ୍ଧାଇ ଅତିଥିଙ୍କୁ ସମ୍ବର୍ଦ୍ଧନା ଦେଇଥାନ୍ତି। ଯଦିଓ ଆଜିକାଲି ଏହାର ବ୍ୟବହାର କମୁଛି ତେବେ ଏହି ଫୁଲ ଏବେ ମଧ୍ୟ ବଣପାହାଡ଼ ତଥା ଗାଁଗଣ୍ଡା ବାଡ଼ି ଓ ରାସ୍ତା କଡ଼ରେ ଆପେ ଆପେ ଫୁଟି ଏହାର ସୌନ୍ଦର୍ଯ୍ୟ ବିଛୁରିତ କରି ଝଡିଯାଏ ା ତେବେ ଏହାକୁ ଦେଖି ଲେଖକ, ଭାବୁକ ତଥା କବି ବିମୋହିତ ହୋଇ ଦୁଇ ପଦ ସୌନ୍ଦର୍ଯ୍ୟତାର ଗୁଣଗାନ କରିବାକୁ ଭୁଲନ୍ତି ନାହିଁ। ଏହି ଫୁଲ ବିଶେଷ କରି ବାଂଶପାଳ, ତେଲକୋଇ, ହରିଚନ୍ଦନପୁର ବ୍ଲକର ବଣପାହାଡ଼ରେ ଅଧିକ ଦେଖିବାକୁ ମିଳିଥାଏ। ପ୍ରାକୃତିକ ପରିବେଶରେ ଏହି ଗଛ ଆପେ ଉଠୁଥିବାରୁ ବଣପାହାଡ଼ ଅଞ୍ଚଳ ତଥା ରାସ୍ତାଘାଟରେ ବହୁ ସଂଖ୍ୟାରେ ଏହି ଗଛ ଦେଖିବାକୁ ମିଳିଥାଏ। ଏପରିକି ଏହି ଅଞ୍ଚଳ ଦେଇ ଯାଉଥିବା ପର୍ଯ୍ୟଟକ ତଥା ବାଟୋଇ ମାନେ ମଧ୍ୟ ରାସ୍ତାର ଦୁଇ ପାର୍ଶ୍ୱରେ ଫୁଟିଥିବା ଏହି ଫୁଲର ପସରା ଦେଖି ବିମୁଗ୍ଧ ହୋଇଥାନ୍ତି। ବରିଷ୍ଠ ସାହିତି୍ୟକ ଓ କବି ଡକ୍ଟର ବିମ୍ବାଧର ବେହେରା କୁହନ୍ତି ଯେ, ପିଲା ଦିନରୁ ଏହି ଫୁଲ ଦେଖିଆସୁଛନ୍ତି। ଏହି ଜଙ୍ଗଲୀ ଫୁଲର ସାୈନ୍ଦର୍ଯ୍ୟ ଜଙ୍ଗଲ ଓ ପାହାଡ ପରିବେଶର ସାୈନ୍ଦର୍ଯ୍ୟକୁ ଦ୍ୱିଗୁଣିତ କରିଥାଏ।