ପାରଳାଖେମୁଣ୍ଡି,୨୮।୪(ବ୍ୟୁରୋ): ରକ୍ଷକ ସାଜିଲା ବକ୍ଷକ। ମହିଳା ଏସ୍ଆଇଙ୍କ ନାଁରେ ସାଙ୍ଘାତିକ ଅଭିଯୋଗ । ଜଣେ ବୃଦ୍ଧ ବ୍ୟକ୍ତିଙ୍କ ଠାରୁ ୨୦ ହଜାର ଟଙ୍କା ଲାଞ୍ଚ ନେବା ଘଟଣା ପରେ ତାକୁ ଫେରାଇ ଦେଇଥିଲେ । ସ୍ଥାନୀୟ ଖବରଦାତାଙ୍କଙ୍କ ହସ୍ତକ୍ଷେପ ପରେ ଟଙ୍କା ଫେରାଇବା ସହ ଲିଖିତ ଭାବେ ମଧ୍ୟ ସ୍ବୀକାରେ କରିଥିଲେ । ତେବେ ନିକଟରେ ସେ ସମ୍ପୃକ୍ତ ବ୍ୟକ୍ତି ନୁଣ୍ଡୁୁଜ ଗ୍ରାମର ପ୍ରେରିତ ମାଝୀଙ୍କୁ ଜୋରଜବରଦସ୍ତ ଘଟଣାଟି ମିଛ ବୋଲି ଲେଖି ଦସ୍ତଖତ କରିବାକୁ ବାଧ୍ୟ କରିଥିବା ନେଇ ଅଭିଯୋଗ ହୋଇଛି । ଏଭଳି ଅଭିଯୋଗ ଆସିଛି ଗଜପତି ଜିଲା ମୋହନା ଥାନା ଅଞ୍ଚଳରେ କାର୍ଯ୍ୟରତ ମହିଳା ଏସଆଇ ଜ୍ୟୋସ୍ନା ରାୟଙ୍କ ନାମରେ।
ତେ ପୂର୍ବ ଘଟଣାରେ ମହିଳା ଏସଆଇଙ୍କୁ ମୁଖ୍ୟାଳୟକୁ ବଦଳି କରାଯାଇଥିଲା । ତେବେ ଗତ ବୁଧବାର ମହିଳା ଏସ୍ଆଇ ପ୍ରେରିତଙ୍କୁ ନେଇ ବହୁ ସମୟ ଅଟକାଇ ରଖିଥିଲେ । ଲାଞ୍ଚ ମାଗିବା ଏବଂ ଟଙ୍କା ଫେରାଇବା ଘଟଣା ମିଛ ଥିଲା ବୋଲି ଲେଖାଥିବା ଏକ କାଗଜରେ ଦସ୍ତଖତ କରି ୧୦ ହଜାର ଟଙ୍କା ଯାଚିଥିବା ପ୍ରେରିତ ଅଭିଯୋଗ କରିଛନ୍ତି ।
ବହୁ ସମୟ ଅଟକ ରଖି ଦସ୍ତଖତ କରାଇବା ପରେ ତାଙ୍କୁ ଛାଡ଼ିଦେଇଥିଲେ । ସେଠାରୁ ଆସିବା ପରେ ପ୍ରେରିତ ଥାନାରେ ଏ ନେଇ ଅଭିଯୋଗ କରିଛନ୍ତି । ତେବେ ଘଟଣାର ସତ୍ୟାସତ୍ୟ ନେଇ ମହିଳା ଏସଆଇଙ୍କ ପ୍ରତିକ୍ରିୟା ମିଳି ପାରିନାହିଁ ।