ବ୍ରଜରାଜନଗର,୧୨ା୩(ଡି.ଏନ୍.ଏ.): ବ୍ରଜରାଜନଗର ଥାନା ଅଧୀନ ରେମଜା ଗ୍ରାମର ରୋହିତ ସାହୁଙ୍କୁ ମରଣାନ୍ତକ ଆକ୍ରମଣ ହୋଇଥିବା ନେଇ ଥାନାରେ ଅଭିଯୋଗ ହୋଇଛି। ଘଟଣାସ୍ଥଳରେ ପୋଲିସ ପହଞ୍ଚି ଅନୁସନ୍ଧାନ ଆରମ୍ଭ କରିଛି।
ପୋଲିସ ସୂତ୍ରରୁ ମିଳିଥିବା ସୂଚନା ଅନୁଯାୟୀ, ଉକ୍ତ ଗ୍ରାମର ଗୋକୁଳ ତପଙ୍କ କୂଅରେ ଗଣେଶ ନଗରର କେତେଜଣ ଯୁବକ ଗାଧୋଉଥିଲେ। ହେଲେ ଗୋକୁଳ ମନା କରିବାରୁ ସେମାନେ ତାଙ୍କୁ ଆକ୍ରମଣ କରିଥିଲେ। ହେଲେ ପାଖରେ ଥିବା ଗୋକୁଳଙ୍କ ସାଙ୍ଗ ରୋହିତ ପ୍ରତିବାଦ କରିବାରୁ ଯୁବକମାନେ ତାଙ୍କୁ ମଧ୍ୟ ଆକ୍ରମଣ କରିଥିଲେ। ଫଳରେ ରୋହିତଙ୍କ ମୁଣ୍ଡରେ ଗଭୀର ଆଘାତ ଲାଗିଛି। ତାଙ୍କୁ ମଣ୍ଡଳୀୟା ସ୍ଥିତ ଡାକ୍ତରଖାନରେ ଭର୍ତ୍ତି କରାଯାଇଛି।
