ନୂଆଦିଲ୍ଲୀ,୨୩।୧୧: ପୂର୍ବ ବର୍ଷ ଅପେକ୍ଷା ଡେଙ୍ଗୁ ବେଶୀ ଡରେଇବାରେ ଲାଗିଛି। ଡେଙ୍ଗୁର ପ୍ରାୟ ୬୦ପ୍ରତିଶତ ରୋଗୀଙ୍କ ମଧ୍ୟରେ ଡେନ-୨ର ଷ୍ଟ୍ରେନ ଦେଖିବାକୁ ମିଳିଛି। ବାକି ୪୦ପ୍ରତିଶତରେ ଡେନ ୧ ଓ ଡେନ-୩ ଷ୍ଟ୍ରେନ ମିଳିଛି। ଡେନ-୧ ଓ ୩ ଅପେକ୍ଷା ଡେନ ୨ ଅଧିକ ବିପଜ୍ଜନକ ବୋଲି କୁହାଯାଉଛି। ପିଜିଆଇ ମାଇକ୍ରୋବାୟୋଲଜି ବିଭାଗ ଆଇସିୟୁରେ ଥିବା ୯୦ରୋଗୀଙ୍କ ସାମ୍ପୁଲ ନେଇ ପରୀକ୍ଷା କରିଛନ୍ତି।
ପରୀକ୍ଷାରୁ ଜଣାପଡିଛି କି, ଡେଙ୍ଗୁର ୪ଟି ଷ୍ଟ୍ରେନ ମଧ୍ୟରୁ ଡେନ-୨ ଅଧିକ ବିପଜ୍ଜନକ। ୬୦ପ୍ରତିଶତ ଲୋକଙ୍କ ଠାରେ ଏହି ଷ୍ଟ୍ରେନ ଦେଖିବାକୁ ମିଳୁଛି। ବର୍ତ୍ତମାନ ଡେଙ୍ଗୁ ରୋଗୀ ବେଶୀ ହସ୍ପିଟାଲରେ ଭର୍ତ୍ତି ହେଉଛନ୍ତି। ଡେନ-୨ରେ ଜ୍ୱର, ଥଣ୍ଡା, ଆଣ୍ଠୁଗଣ୍ଠି ବିନ୍ଧା ହେବାନାକ ଓ ପାଟିରୁ ରକ୍ତ ବାହାରିଥାଏ।
