ଇସଲାମାବାଦ,୨୫ ।୨: ଘୋର ଆର୍ଥିକ ସଙ୍କଟ ଦେଇ ଗତି କରୁଥିବା ପାକିସ୍ତାନ ତା’ର ପୂର୍ବ ପ୍ରକୃତିକୁ ଛାଡି ପାରୁ ନାହିଁ । ବିଶ୍ୱ ସଙ୍ଗଠନର ବହୁ ପ୍ରତିବନ୍ଧକ ପରେ ବି ଏଠାରେ ସଡ଼କରେ ଖୋଲାଖୋଲି ଭାବେ ବୁଲୁଛନ୍ତି ଆତଙ୍କବାଦୀ । ନିକଟରେ ଆତଙ୍କବାଦୀ ସଙ୍ଗଠନ ହିଜବୁଲ ମୁଜାହିଦ୍ଦିନର ମୁଖ୍ୟ ସଲାଉଦ୍ଦିନ ଖୋଲା ବୁଲୁଥିବା ଦେଖାଯାଇଛି । ମିଡିଆ ରିପୋର୍ଟରୁ ଜଣାପଡିଛି କି ସଲାଉଦ୍ଦିନଙ୍କୁ ପାକିସ୍ତାନର ରାୱଲପିଣ୍ଡିରେ ଏକ ସାର୍ବଜନିକ କାର୍ଯ୍ୟକ୍ରମରେ ଦେଖାଯାଇଛି । ଏବେ ଏହାକୁ ନେଇ ଫାଇନାନସିୟାଲ ଆକ୍ସନ ଟାସ୍କ ଫୋର୍ସ(ଏଫଏଟିଏଫ)ର କଡା ଟିପ୍ପଣି ସାମ୍ନାକୁ ଆସିଛି । ଏଫଏଟିଏଫ ସ୍ପଷ୍ଟ କରିଛି କି ଆତଙ୍କବାଦ ବିତ୍ତପୋଷଣ ବିରୋଧରେ ପାକିସ୍ତାନର ପ୍ରତିବଦ୍ଧତା ଓ କାର୍ଯ୍ୟକ୍ରମ ଉପରେ ସଙ୍ଗଠନ କଡା ନଜର ରଖିଛି ।
ସୂଚନାଯୋଗ୍ୟ, ଗତବର୍ଷ ଏଫଏଟିଏଫ ପାକିସ୍ତାନକୁ ଗ୍ରେ ଲିଷ୍ଟରୁ ବାହାର କରି ଦେଇଥିଲା । ସେତେବେଳେ ପାକିସ୍ତାନ ଏଫଏଟିଏଫକୁ ଦୁଇଟି କାର୍ଯ୍ୟଯୋଜନାକୁ ଲାଗୁ କରିବାକୁ କଥା ଦେଇଥିଲା । ଏଥିରେ ଥିଲା ଆତଙ୍କବାଦ ପଣ୍ଡିଂ ରୋକିବା ଓ ଆତଙ୍କ ବିରୋଧି ବିତ୍ତପୋଷଣ ଉପରେ ଲଗାମ ଲଗାଇବା ।
