ବ୍ରଜରାଜନଗର,୧୮ା୨(ବିଜୟ ବରାଡ଼): ଝାରସୁଗୁଡ଼ା ଜିଲା ଓରିଏଣ୍ଟ ଥାନା ଅଞ୍ଚଳରେ ରବିବାର ସାମାନ୍ୟ ଘଟଣାକୁ କେନ୍ଦ୍ରକରି ଛୁରାମାଡ଼ ହୋଇଛି। ଏଥିରେ ବାପାଝିଅ ଗୁରୁତର ହୋଇ ମେଡିକାଲରେ ଭର୍ତ୍ତି ହୋଇଛନ୍ତି।
ଓରିଏଣ୍ଟ ଥାନା ଅଧିକାରିଣୀ ରୋଜାଲିନ ପଟେଲଙ୍କ ସୂଚନା ଅନୁଯାୟୀ, ଇନ୍ଦିରା ଗାନ୍ଧୀ ମହିଳା ମହାବିଦ୍ୟାଳୟ ସମୁଖରେ ଅଞ୍ଜନି ପ୍ରସାଦ ଓ ତାଙ୍କ ଝିଅ ଜଳଖିଆ ଦୋକାନ ଖୋଲିଛନ୍ତି। ଗଜପତି ନଗରରେ ରହୁଥିବା ରାଧେ ନାମଦେଓ ପହଞ୍ଚି ଜଳଖିଆ ମାଗିଥିଲେ। ଜଳଖିଆ ଦେବାରେ ସାମାନ୍ୟ ବିଳମ୍ବ ହେବାରୁ ରାଧେ ପାଖରେ ରଖିଥିବା ଛୁରିରେ ବାପାଝିଅଙ୍କୁ ଆକ୍ରମଣ କରିଥିଲେ। ଏ ନେଇ ଓରିଏଣ୍ଟ ଥାନାରେ ଏକ ମାମଲା(ନଂ. ୩୫/୨୪) ରୁଜୁ ହୋଇ ତଦନ୍ତ ଆରମ୍ଭ ହୋଇଛି। ରାଧେ ଫେରାର ଅଛନ୍ତି। ସୂଚନାଯୋଗ୍ୟ, ରାଧେଙ୍କ ନାମରେ ବ୍ରଜରାଜନଗର ଓ ଓରିଏଣ୍ଟ ଥାନାରେ ୩୦ରୁ ଅଧିକ ମାମଲା ରହିଛି। ସେ ଏକ ମାମଲାରେ ଜେଲରେ ଥିବା ବେଳେ ଦୁଇମାସ ତଳେ ଜାମିନରେ ଆସିଥିଲେ।