ଗୋପାଳପୁର,୪ା୭: ଗୋପାଳପୁର ହିଲ୍ଟପ ରୋଡରେ ଥିବା ସେଣ୍ଟ ଭିନ୍ସେଣ୍ଟ ଚର୍ଚ୍ଚର ଫାଦର ପ୍ରଦୀପ ସରେନ(୩୦) ଆତ୍ମହତ୍ୟା କରିଛନ୍ତି। ଗୋପାଳପୁର ପୋଲିସ ଏକ ଅପମୃତ୍ୟୁ ମାମଲା(ନଂ.୯/୨୧) ରୁଜୁ କରି ଘଟଣାର ଅଧିକ ତଦନ୍ତ ଚଳାଇଛି।
ମିଳିଥିବା ସୂଚନା ମୁତାବକ, ସୁନ୍ଦରଗଡ଼ର ପ୍ରଦୀପ ଗତ ଦେଢ଼ ବର୍ଷ ହେଲା ଉକ୍ତ ଚର୍ଚ୍ଚରେ କ୍ୟାଥୋଲିକ ଫାଦର ଭାବେ କାର୍ଯ୍ୟ କରୁଥିଲେ। କୌଣସି ବିଷୟକୁ ନେଇ ସେ ଚିନ୍ତାଗ୍ରସ୍ତ ରହୁଥିଲେ। ଶନିବାର ରାତିରେ ଖାଇ ଶୋଇବାକୁ ଯାଇଥିଲେ। ରବିବାର ସକାଳେ କବାଟ ନ ଖୋଲିବାରୁ ସେଠାରେ ଥିବା ଅନ୍ୟ ଫାଦରମାନେ ଗୋପାଳପୁର ଥାନାକୁ ଜଣାଇଥିଲେ। ପୋଲିସ ପହଞ୍ଚତ୍ ପ୍ରଦୀପଙ୍କ ମୃତଦେହ ଉଦ୍ଧାର କରିଥିଲା। ଘଟଣାସ୍ଥଳରୁ ପୋଲିସ ୫ ପୃଷ୍ଠାର ଏକ ସୁଇସାଇଡ୍ ନୋଟ ଜବତ କରିଛି। ପୋଲିସ ମୃତଦେହ ବ୍ୟବଚ୍ଛେଦ ପାଇଁ ବ୍ରହ୍ମପୁର ବଡ଼ ମେଡିକାଲକୁ ପଠାଇଛି।
