ମୁମ୍ବାଇ: ବଲିଉଡ ନାୟିକା ଫାତିମା ସନା ଶେଖ ଅସୁସ୍ଥ ଥିବା ଜଣାପଡିଛି । ନିଜ ଅଭିନୟ ବଳରେ ବଲିଉଡରେ ଏକ ସ୍ୱତନ୍ତ୍ର ପରିଚୟ ସୃଷ୍ଟି କରିଥିବା ଫତିମା ଆମିର ଖାଁଙ୍କ ସହ ଫିଲ୍ମ ଦଙ୍ଗଲରେ ନଜର ଆସିଥିଲେ । ଏବେ କିନ୍ତୁ ସେ ତାଙ୍କ ପର୍ସନାଲ ଲାଇଫକୁ ନେଇ ଆସିଛନ୍ତି ଚର୍ଚ୍ଚାକୁ । ସେ ତାଙ୍କ ଅସୁସ୍ଥତାକୁ ନେଇ ଏକ ବଡ ଖବର ଦେଇଛନ୍ତି । ଯାହା ଜଣାପଡିବା ପରେ ସମସ୍ତେ ଚକିତ ହୋଇଯାଇଛନ୍ତି । ଗଣମାଧ୍ୟମକୁ ଦେଇଥିବା ଏକ ସାକ୍ଷାତକାରରେ ସେ କହିଥିଲେ ମୋତେ ଥରେ ବିମାନ ଯାତ୍ରା ସମୟରେ ଏପିଲେପ୍ଟିକ ଫିଟ ବା ମୁର୍ଚ୍ଛା ହୋଇଥିଲା । ଅର୍ଥାତ୍ ଫତିମା ଅପସ୍ମାରରେ ପୀଡ଼ତ ଥିବା କହିଛନ୍ତି ।
ଫତିମା କହିଛନ୍ତି ମୋତେ ପ୍ରାୟ ୫ ଥର ଏପିଲେପ୍ଟିକ ଫିଟ ହୋଇ ସାରିଛି ସେତେବେଳେ ମୁଁ ଏକେଲା ଥିଲି ଓ ବହୁତ କଷ୍ଟ ହେଉଥିଲା । ଫାତିମା କହିଛନ୍ତି ଏହି ରୋଗ କାରଣରୁ ମୋ କ୍ୟାରିୟରରେ ବଡ ପ୍ରଭାବ ପଡିଥିଲା । ଏହାଦ୍ୱାରା ମୋତେ ବହୁତ ଚିନ୍ତା ଲାଗୁଥିଲା । ହେଲେ ମୁଁ ବହୁତ ଭାଗ୍ୟଶାଳୀ ଯେ ଏତେ ବଡ ବଡ ସମସ୍ୟା ପରେ ବି ମୁଁ ବଞ୍ଚି ଯାଇଛି । ହେଲେ ଏବେ ମୋତେ କେଉଁଠିକୁ ଏକେଲା ଯିବାକୁ ସାହସ ପାଉନାହିଁ । ସବୁବେଳେ ସବୁ ସ୍ଥାନକୁ କେହିଜଣେ ଯିବା ଦରକାର ବୋଲି ଫତିମା କୁହନ୍ତି । କାରଣ ମୋତେ କେଉଁଠିକୁ ଏକେଲା ଜିବାକୁ ଭୟ କରିଥାଏ । ଅଭିନେତ୍ରୀ କହିଛନ୍ତି ସେ ଏକ ଗମ୍ଭିର ରୋଗରେ ପୀଡ଼ିତ ବୋଲି ସେ କାହାକୁ କିଛ କହି ନାହାନ୍ତି । ବିଶେଷ ଭାବେ ପ୍ରଥମେ ସେ ଏହି କଥା ଫିଲ୍ମ ମେକର୍ସଙ୍କୁ କହି ନ ଥିଲେ । କାରଣ ସେ ଭାବୁଥିଲେ ଏହା ନିର୍ମାତାଙ୍କୁ ଜଣାଇଦେଲେ ହୁଏତ ତାହା ତାଙ୍କ କ୍ୟାରିୟର ଉପରେ ପ୍ରଭାବ ପକାଇପାରେ ।
ସୂଚନାଯୋଗ୍ୟ, ଫତିମା ଶେଷଥର ଲାଗି ନେଟଫ୍ଲିକ୍ସ ମୁଭି ‘ଥର’ରେ ନଜର ଆସିଥିବା ବେଳେ ଏବେ ସେ ଭିକ୍କି କୌଶଲଙ୍କ ମୁଭି ‘ସୋମ ବାହାଦୂର’ରେ ଦେଖିବାକୁ ମିଳିବେ ।
