ମସ୍କୋ/କ୍ୱିଭ,୨୪ ।୨: ରୁଷିଆ-ୟୁକ୍ରେନ୍ ଯୁଦ୍ଧକୁ ଶୁକ୍ରବାର ବର୍ଷେ ପୂରଣ ହୋଇଛି । ଫେବୃୟାରୀ ୨୪, ୨୦୨୨ରେ ରୁଷିଆ ୟକ୍ରେନ୍ ଉପରେ ଆକ୍ରମଣ କରିଥିବା ବେଳେ ସାରା ବିଶ୍ୱ ଏହାକୁ ନେଇ ଚିନ୍ତାରେ ପଡିଯାଇଥିଲା । ଏହାରି ଭିତରେ ବର୍ଷେ ପୂରଣ ହୋଇଯାଇଥିଲେ ବି ୟୁକ୍ରେନ୍ ଉପରେ ରୁଷିଆର ଆକ୍ରମଣ କମ ହୋଇନାହିଁ କି ୟୁକ୍ରେନ୍ ବି ପଛଘୁଞ୍ଚା ଦେଇନାହିଁ । ଏହାକୁ ନେଇ ୟୁକ୍ରେନ୍ ରାଷ୍ଟ୍ରପତି ଭୋଲୋଡେମିର ଜେଲନସ୍କି ଅନାୟାସରେ ୟୁକ୍ରେନ୍ ଉପରେ ରୁଷିଆ କରିଥିବା ଯୁଦ୍ଧକୁ ନେଇ ରୁଷିଆକୁ ଦୋଷୀ କରିଛନ୍ତି ।
ବର୍ଷେ ପରେ ଜେଏନସ୍କିଙ୍କ କାର୍ଯ୍ୟାଳୟ ପକ୍ଷରୁ କୁହାଯାଇଛି କି ଯୁଦ୍ଧ ଆହୁରି ବିନାଶକାରୀ ହୋଇପାରେ ଓ ୟୁକ୍ରେନ୍ ସେନା ଏହାର ମୁକାବିଲା କରିବାକୁ ପ୍ରସ୍ତୁତ । ଅନ୍ୟପଟେ ରୁଷିଆ ଦୋନବାସର ପୂର୍ବ ଔଦ୍ଦ୍ୟୋଗକି କ୍ଷେତ୍ରରେ ସମସ୍ତ ଅଞ୍ଚଳକୁ କବଜା କରିବାକୁ ନିଜର ଅଭିଯାନକୁ ଆହୁରି ବଢାଇ ଦେଇଛି ଓ ଗୁଳିବର୍ଷଣ କରି ଚାଲିଛି । ବିଶେଷଜ୍ଞମାନେ ଅନୁମାନ କରିଛନ୍ତି କି ଏହି ଯୁଦ୍ଧ ଆହୁରି ବର୍ଷେ ପର୍ଯ୍ୟନ୍ତ ଚାଲିପାରେ ।