ମୁମ୍ବାଇ,୬।୧୨: କର୍ନାଟକ ସହିତ ବଢୁଥିବା ସୀମା ବିବାଦ ମଧ୍ୟରେ ମହାରାଷ୍ଟ୍ରର ଦୁଇଜଣ ମନ୍ତ୍ରୀ ବେଲଗାଭି ଗସ୍ତକୁ ବାତିଲ କରିଛନ୍ତି। ଉତ୍ତୋଜନାକୁ ଦୃଷ୍ଟିରେ ରଖି ମହାରାଷ୍ଟ୍ର ମନ୍ତ୍ରୀମାନେ ବେଲାଗାଭି ଯାତ୍ରା ସ୍ଥଗିତ ରଖିଛନ୍ତି।
ସୀମା ବିବାଦରେ ସମନ୍ବୟ ରକ୍ଷା ପାଇଁ ଗଠିତ ମହାରାଷ୍ଟ୍ର କମିଟିର ଦୁଇଜଣ ମନ୍ତ୍ରୀ ସେମାନଙ୍କ ବେଲଗାଭି ଯାତ୍ରାକୁ ମଙ୍ଗଳବାର ସ୍ଥଗିତ ରଖିଥିବା ଖବର ମଧ୍ୟରେ କର୍ନାଟକ ମୁଖ୍ୟମନ୍ତ୍ରୀ ବୋମ୍ମାଇଙ୍କ ବିବୃତ୍ତି ଆସିଛି।
ମହାରାଷ୍ଟ୍ର ମନ୍ତ୍ରୀ ଶମ୍ଭୁରାଜ ଦେଶାଇ ମନ୍ତ୍ରୀ ଚନ୍ଦ୍ରକାନ୍ତ ପାଟିଲ କର୍ନାଟକ ସରକାରଙ୍କ ଅନୁରୋଧ କ୍ରମେ ତାଙ୍କ ଗସ୍ତ ବାତିଲ କରାଯାଇଥିବା ସମ୍ପର୍କରେ ସୂଚନା ଦେଇଛନ୍ତି। ପରେ ଏହି ଯାତ୍ରା କରାଯିବ ବୋଲି ସେମାନେ ସ୍ପଷ୍ଟ କରିଛନ୍ତି। କର୍ନାଟକ ସରକାର ଆଇନ ଶୃଙ୍ଖଳା ପରିସ୍ଥିତି ଦର୍ଶାଇ ଏହି ଯାତ୍ରାକୁ ସ୍ଥଗିତ ରଖିବାକୁ ଅନୁରୋଧ କରିଥିଲେ। ଉଭୟ ମନ୍ତ୍ରୀ ମହାରାଷ୍ଟ୍ର ଏକୀକରଣ କମିଟିର କର୍ମୀଙ୍କୁ ଭେଟି ଦଶନ୍ଧି ଧରି ସୀମା ପ୍ରସଙ୍ଗରେ ସେମାନଙ୍କ ସହ ଆଲୋଚନା କରିବାର କାର୍ଯ୍ୟକ୍ରମ ଥିଲା।
