ଲକ୍ଷ୍ନୌ,୨୮।୩: ଉତ୍ତରପ୍ରଦେଶ ବିଧାନସଭା ନିର୍ବାଚନରେ ଭାଜପାର ବହୁମତରେ ବିଜୟ ପରେ ଯୋଗୀ ଆଦିତ୍ୟନାଥ ସରକାର ଗଠନ କରିଛନ୍ତି। ମୁଖ୍ୟମନ୍ତ୍ରୀ ଭାବେ ଶପଥ ନେବା ପରେ ଯୋଗୀ ସରକାର ଏବେ ଆକ୍ସନ ମୁଡରେ ଆସିଯାଇଛନ୍ତି। ଯୋଗୀଙ୍କ ୨.୦ ସରକାରରେ ବୁଲ୍ଡୋଜର ଭୟରେ ୨ସପ୍ତାହରେ ୫୦ରୁ ଊର୍ଦ୍ଧ୍ୱ ଅଭିଯୁକ୍ତ ଆତ୍ମସମର୍ପଣ କରିସାରିଛନ୍ତି। ଏନେଇ ସୋମବାର ଜଣେ ଅଧିକାରୀ ସୂଚନା ଦେଇଛନ୍ତି। ରାଜ୍ୟର ବିଭିନ୍ନ ସ୍ଥାନରେ ଅନେକ ବେଆଇନ ଅପରାଧକୁ ହଟାଯାଇଛି। ଇତିମଧ୍ୟରେ ଅନେକ ପଳାତକ ଅପରାଧୀଙ୍କ ଫଟୋ ଭାଇରାଲ ହେବାରେ ଲାଗିଛି, ଯେଉଁଥିରେ ପୋଲିସ ଷ୍ଟେସନରେ ସେମାନଙ୍କ ବେକରେ ପ୍ଲାକାର୍ଡ ଥିବା ଦେଖିବାକୁ ମିଳୁଛି। ଏଥିରେ ‘ମୁଁ ଆତ୍ମସମର୍ପଣ କରୁଛି, ଦୟାକରି ମୋତେ ଗୁଳି କର ନାହିଁ’ ବୋଲି ଲେଖାଯାଇଛି ବୋଲି ଉକ୍ତ ଅଧିକାରୀ କହିଛନ୍ତି। ଅନ୍ୟପଟେ ଏଜେନ୍ସି ଅନୁଯାୟୀ ପୋଲିସର ଅତିରିକ୍ତ ମହାନିର୍ଦ୍ଦେଶକ(ଆଇନ ଓ ଅର୍ଡର) ପ୍ରଶାନ୍ତ କୁମାର କହିଛନ୍ତି, ଗତ ଦୁଇ ଦିନ ମଧ୍ୟରେ ୫୦ରୁ ଅଧିକ ଅପରାଧୀ କେବଳ ଆତ୍ମସମର୍ପଣ କରିନାହାଁନ୍ତି ବରଂ ଅପରାଧରୁ ଦୂରେଇ ରହିବାକୁ ମଧ୍ୟ ନିଷ୍ପତ୍ତି ନେଇଛନ୍ତି। ସୂଚନା ମୁତାବକ ଅପରାଧୀ ଏବଂ ମାଫିଆଙ୍କ ବିରୋଧରେ କଠୋର କାର୍ଯ୍ୟାନୁଷ୍ଠାନ ଭାବେ ପ୍ରତୀକ ପାଲଟିଥିବା ବୁଲ୍ଡୋଜର ପୁରା ଉତ୍ତରପ୍ରଦେଶ ନିର୍ବାଚନରେ ଯୋଗୀ ଆଦିତ୍ୟନାଥଙ୍କୁ ‘ବୁଲଡୋଜର ବାବା’ର ନାମ ଆଖ୍ୟା ଦିଆଯାଇଥିଲା।
