ଗ୍ବାଦର ଅଧିକାର ଅଭିଯାନ ଧମକ ପରେ ପ୍ରକଳ୍ପରେ କାମ କରିବାକୁ ଚାଇନା ଇଞ୍ଜିନିୟରଙ୍କ ମଧ୍ୟରେ ଭୟ, କାମ ବନ୍ଦ…

ଇସଲାମାବାଦ,୩।୧ : ଚାଇନା ଏହାର ବେଲ୍ଟ ଆଣ୍ଡ ରୋଡ ଇନିସିଏଟିଭ (ବିଆରଆଇ) ଅଧୀନରେ ପାକିସ୍ତାନର ବାଲୁଚିସ୍ତାନ ପ୍ରଦେଶର ଗ୍ବାଦରରେ ଅନେକ ପ୍ରମୁଖ ପ୍ରକଳ୍ପ ୍‌ନିର୍ମାଣରେ ନିୟୋଜିତ ଅଛି। ଯାହାକୁ ବ୍ୟାପକ ବିରୋଧ କରାଯାଉଛି। ଯେଉଁ କାରଣରୁ ଏହି ପ୍ରକଳ୍ପରେ ନିୟୋଜିତ ଚାଇନାର କର୍ମଚାରୀମାନେ ସୁରକ୍ଷା ସମ୍ବନ୍ଧୀୟ ବିପଦର ସମ୍ମୁଖୀନ ହେଉଛନ୍ତି।

ଗ୍ବାଦର ଅଧିକାର ଅଭିଯାନ ଧମକ ପରେ ପ୍ରକଳ୍ପରେ କାମ କରିବାକୁ ଚାଇନା ଇଞ୍ଜିନିୟରଙ୍କ ମଧ୍ୟରେ ଭୟ ସୃଷ୍ଟି ହୋଇଛି। ଫଳରେ ଏସବୁ ପ୍ରକଳ୍ପରେ କାମ ବନ୍ଦ ହୋଇଯାଇଛି। ସୁରକ୍ଷା କାରଣରୁ ଚାଇନାର ଇଞ୍ଜିନିୟରମାନେ ଗତ ବର୍ଷ ଜୁଲାଇରେ ଖାଇବର ପସ୍ତୁନଖ୍ବା ର ସ୍ବାତ ଏବଂ ଶାଙ୍ଗଲା ଜିଲାର ଜଳ ବିଦ୍ୟୁତ୍ ପ୍ରକଳ୍ପରେ କାମ ବନ୍ଦ କରିଦେଇଥିଲେ। ଏହି ପ୍ରକଳ୍ପଗୁଡିକ ଉପରେ କାର୍ଯ୍ୟ ଏପର୍ଯ୍ୟନ୍ତ ଆରମ୍ଭ ହୋଇନାହିଁ।

ରିପୋର୍ଟରେ ଦର୍ଶାଯାଇଛି ଯେ ଦେଶରେ ଆଇନ ଶୃଙ୍ଖଳା ପରିସ୍ଥିତି ଖରାପ ହେବା ମଧ୍ୟରେ ସୁରକ୍ଷା ଏଜେନ୍ସିଗୁଡ଼ିକୁ ଚାଇନାର ଇଞ୍ଜିନିୟରମାନଙ୍କ ପାଇଁ ବିସ୍ତୃତ ସୁରକ୍ଷା ବ୍ୟବସ୍ଥା କରିବାକୁ କୁହାଯାଇଛି। ତେବେ ଏପର୍ଯ୍ୟନ୍ତ ଉକ୍ତ ଅଞ୍ଚଳରେ ସୁରକ୍ଷା ବ୍ୟବସ୍ଥା କରାଯାଇ ନାହିଁ।

ବିଆରଆଇ ଅଧୀନରେ ପାକିସ୍ତାନରେ ଅନେକ ଏକ୍ସପ୍ରେସଓ୍ବେ, ବିମାନବନ୍ଦର ଏବଂ ସାମୁଦ୍ରିକ ବନ୍ଦର ନିର୍ମାଣ କରାଯାଉଛି। କିନ୍ତୁ ଗ୍ବାଦରରେ ଏହି ପ୍ରକଳ୍ପକୁ ବିରୋଧ କରାଯାଉଛି। ବିରୋଧୀ ସଂଗଠନ ହକ ଦୋ ତେହେରିକ ଦାବି କରିଛି ଯେ ଏହି ଅଞ୍ଚଳରେ ସ୍ଥାପିତ ସୁରକ୍ଷା ଯାଞ୍ଚ ପଏଣ୍ଟ ସଂଖ୍ୟା ହ୍ରାସ କରାଯାଉ, ସମୁଦ୍ରରେ ମାଛ ଧରିବା ବନ୍ଦ କରନ୍ତୁ ଏବଂ ଇରାନ ସହ ସୀମା ବାଣିଜ୍ୟ ଉପରେ ପ୍ରତିବନ୍ଧକ ହ୍ରାସ କରାଯାଉ। ବିଶେଷଜ୍ଞଙ୍କ କହିବାନୁସାରେ, ଏହି ଦାବିଗୁଡ଼ିକ ସିଧାସଳଖ ଗ୍ବାଦର ପ୍ରକଳ୍ପ ସହିତ ଜଡିତ ନୁହେଁ। କିନ୍ତୁ ସ୍ଥାନୀୟ ବାସିନ୍ଦାଙ୍କ ଅନୁସାରେ ବିଆରଆଇ ପ୍ରକଳ୍ପ ସେମାନଙ୍କର ସମସ୍ତ ସମସ୍ୟାର ମୂଳ କାରଣ।

ଏହି ପ୍ରତିବାଦରେ ଚାଇନାର ଇଞ୍ଜିନିୟରମାନେ ସ୍ବାତରେ ୮୪ ମେଗାୱାଟ ମିଟେଲଟନ ଜଳ ବିଦ୍ୟୁତ ପ୍ରକଳ୍ପରେ କାର୍ଯ୍ୟ ବନ୍ଦ କରିଦେଇଥିଲେ। ଅପରପକ୍ଷରେ ଶାଙ୍ଗଲା ଜିଲାର ୧୧.୮ ମେଗାୱାଟ କରୋରା ଜଳ ବିଦ୍ୟୁତ ପ୍ରକଳ୍ପରେ କାମ ମଧ୍ୟ ବନ୍ଦ କରି ଦେଇଛନ୍ତି।