ଓ୍ବାଶିଂଟନ,୧୫ା୧୧: ଆମେରିକାର ଟେକ୍ସାସ ଏୟାରପୋର୍ଟରେ ଜିନିଷପତ୍ର ଯାଞ୍ଚ ପ୍ରକ୍ରିୟା ସମୟରେ ଜଣେ ମହିଳା ଯାତ୍ରୀ ଏୟାରହୋଷ୍ଟେସ୍ଙ୍କ ଉପରେ ହମ୍ଲା କରିଛନ୍ତି। ମହିଳା ଜଣକ ଏୟାରହୋଷ୍ଟେସ୍ଙ୍କୁ ମୁଥ ମାରି ଆହତ କରିଦେଇଛନ୍ତି। ଏହି ଘଟଣା ପରେ ଏୟାରହୋଷ୍ଟେସ୍ ହସ୍ପିଟାଲରେ ଭର୍ତ୍ତି ହୋଇଥିବାବେଳେ ମହିଳା ଯାତ୍ରୀ ଜଣକ ଗିରଫ ହୋଇଛନ୍ତି।
ଏକ ରିପୋର୍ଟ ଅନୁଯାୟୀ, ୩୨ ବର୍ଷୀୟା ଏରିଏଲ ଜିନ୍ ଜ୍ୟାକ୍ସନ ନାମକ ଜଣେ ମହିଳାଙ୍କୁ ଗିରଫ କରାଯାଇଛି। ଏୟାରହୋଷ୍ଟସଙ୍କ ଅଭିଯୋଗକୁ ଭିତ୍ତି କରି ତାଙ୍କୁ ଗିରଫ କରାଯାଇଛି। ଏୟାରହୋଷ୍ଟେସ କହିଛନ୍ତି, ବିମାନରେ ଚଢ଼ିବା ସମୟରେ ଆଟେଣ୍ଡାଣ୍ଟଙ୍କ ସହିତ ମହିଳାଙ୍କର ଯୁକ୍ତିତର୍କ ହୋଇଥିଲା। ଏହା ପରେ ସେ ଉକ୍ତ ମହିଳାଙ୍କୁ ବାହାରି ଯିବାକୁ ଆଦେଶ ଦେଇଥିଲେ। ତାଙ୍କୁ ବିମାନରୁ ବାହାର କରୁଥିବା ସମୟରେ ମହିଳା ତାଙ୍କୁ ମୁଥ ମାରିଥିଲେ। ଏଥିରେ ଗୁରୁତର ହୋଇଥିଲେ ଏୟାରହୋଷ୍ଟେସ। ସେ ଥାନାରେ ଅଭିଯୋଗ କରିବା ପରେ ମହିଳାଙ୍କୁ ଗିରଫ କରାଯାଇଛି।