ପ୍ୟାରିସ, ୨୩ା୯ (ଏପି)- ଫ୍ରେଞ୍ଚ୍ ଓପନ୍ କ୍ୱାଲିଫାଇଂ ପୂର୍ବରୁ ଜଣେ ମହିଳା ଟେନିସ ଖେଳାଳି କରୋନା ପଜିଟିଭ୍ ଜଣାପଡ଼ିବାରୁ ତାଙ୍କୁ ମ୍ୟାଚ ଖେଳିବାରୁ ବାରଣ କରାଯାଇଛି। ଫ୍ରେଞ୍ଚ ଟେନିସ ଫେଡେରେଶନ (ଏଫ୍ଟିଏଫ୍) ଖେଳାଳିଙ୍କ ନାମ ପ୍ରକାଶ କରି ନାହିଁ। ତେବେ ଖେଳାଳି ଜଣକ ୭ଦିନ ଆଇସୋଲେଶନରେ ରହିବେ। ମହିଳା କ୍ୱାଲିଫାଇଂ ମଙ୍ଗଳବାରଠାରୁ ଆରମ୍ଭ ହେବ। ସୂଚନାଯୋଗ୍ୟ, ଦିନକ ପୂର୍ବରୁ ଅନ୍ୟ ୫ଜଣ ଖେଳାଳି କରୋନା ପଜିଟିଭ ଜଣାପଡ଼ିବାରୁ ସେମାନଙ୍କୁ କ୍ୱାଲିଫାଇଂ ରାଉଣ୍ଡ ଖେଳିବା ଲାଗି ବାରଣ କରାଯାଇଥିଲା। ଏମାନଙ୍କ ମଧ୍ୟରୁ ୩ ଜଣ ଜଣେ କୋଚ୍ଙ୍କ ସଂସ୍ପର୍ଶରେ ଆସି ସଂକ୍ରମିତ ହୋଇଥିଲେ। ଫ୍ରେଞ୍ଚ ଓପନ ଗ୍ରାଣ୍ଡସ୍ଲାମ୍ ଟେନିସ ଟୁର୍ନାମେଣ୍ଟ ରବିବାରଠାରୁ ଆରମ୍ଭ ହେବ। ଏହା ୧୫ ଦିନ ଧରି ଚାଲିବ। ପ୍ରକୃତରେ ଏହି ଟୁର୍ନାମେଣ୍ଟ ମେ ମାସରେ ଖେଳାଯାଇଥାନ୍ତା। ମାତ୍ର କରୋନା ଯୋଗୁ ଏହାକୁ ସ୍ଥଗିତ ରଖାଯାଇଥିଲା। ନିକଟରେ ଅନୁଷ୍ଠିତ ୟୁଏସ୍ ଓପନରେ ଷ୍ଟାଡିୟମରେ ଦର୍ଶକଙ୍କୁ ବାରଣ କରାଯାଇଥିଲା। ମାତ୍ର ଫ୍ରେଞ୍ଚ ଓପନରେ ଦର୍ଶକଙ୍କ ସଂଖ୍ୟା ୫,୦୦୦ରେ ସୀମିତ ରଖାଯାଇଛି।
