ରଙ୍ଗବତୀରେ ଏଣ୍ଟ୍ରି, ମୁଁ ସଫେଇ ବାଲାରେ ନାଚିଲେ ଗ୍ରୋଭର
ରଙ୍ଗବତୀ ଗୀତରେ ଏଣ୍ଟ୍ରି କଲେ ଲୋକପ୍ରିୟ କମେଡିଆନ୍ ସୁନୀଲ୍ ଗ୍ରୋଭର୍। କହିଲେ ଜୟ ଜଗନ୍ନାଥ। ଓଡ଼ିଶାର ଲୋକପ୍ରିୟ ଓ ଚର୍ଚ୍ଚିତ ଗୀତ ରଙ୍ଗବତୀରେ ମଞ୍ଚକୁ ସ୍ବାଗତ କରିବା ସୌଭାଗ୍ୟ ବୋଲି ବି କହିଲେ। ଆରମ୍ଭ ହିଁ ଦର୍ଶକ ହସିବା ଆରମ୍ଭ କରିଦେଇଥିଲେ। ପୁଣି ରାତି ନ ପାହୁଣୁ ବିଏମ୍ସି ପକ୍ଷରୁ ବାଜୁଥିବା ମୁଁ ସଫେଇ ବାଲା ଗୀତରେ ନାଚିଲେ ଗ୍ରୋଭର୍। ହକି ବିଶ୍ୱକପ୍ ଆୟୋଜନକୁ ନେଇ ସେ କମେଡି ମାଧ୍ୟମରେ କହିଲେ,ହକି ବୋଲି ଗୋଟିଏ ଜିନିଷ ଥିଲା, ତାହା ମୁଁ ଜାଣିଥିଲି। କିନ୍ତୁ ସେଥିରେ ଯେ ଖେଳ ହୁଏ, ତାହା ପୁଣି ବିଶ୍ୱକପ୍ ସେ କଥା ଜାଣି ନ ଥିଲି। ମୁଁ କେବଳ ହକିରେ ମାଡ଼ ଖାଇଥିଲି।
ବଲିଉଡ ଡାଏଲଗ୍ ମାରିଲେ
ପ୍ରଥମ ପର୍ଯ୍ୟାୟରେ ଡାକ୍ତର ହୋଇ ମଜା ମଜା କଥା କହିବା ପରେ ବଲିଉଡର ବିଶିଷ୍ଟ କଳାକାରଙ୍କ ଡାଏଲଗ୍ ସବୁ କହିଥିଲେ ସୁନୀଲ ଗ୍ରୋବର। ଅମିତାଭ ବଚ୍ଚନ, ଇରଫାନ୍ ଖାନ୍, ସିଦ୍ଧୁ ପାଜି ତଥା କପିଲ ଦେବଙ୍କ ଡାଏଲଗ ମାରିଥିଲେ। ଏଥିସହ କିଭଳି ଧୀରେ ଧୀରେ ସେ ଲୋକପ୍ରିୟ ହୋଇଥିଲେ ସେ ସମ୍ପର୍କରେ ମଧ୍ୟ କହିଥିଲେ।
କୌନ୍ ଲେଗା ଚାଇ ପତି
ଅମିତାଭ ବଚ୍ଚନଙ୍କ ଶୋ’ କୌନ୍ ବନେଗା କରୋଡ଼ ପତିକୁ କୌନ୍ ଲେଗା ଚାଇ ପତି ନାମକ ଏକ ମଜାଳିଆ ଢଙ୍ଗରେ ଶୋ ଆରମ୍ଭ କରିଥିଲେ। ମଞ୍ଚ ତଳେ ବସିଥିବା ଏକ ଯୋଡ଼ିଙ୍କୁ ଡାକି ସେ ବିଭିନ୍ନ ମଜାଳିଆ ପ୍ରଶ୍ନ ପଚାରି ଖେଳିଥିଲେ। ହେଲ୍ପ ଲାଇନକୁ ପାଇପ୍ ଲାଇନର ସହାୟତା ନେଇପାରିବେ ବୋଲି କହିଥିଲେ।
ଅଲିକୁ ବାହାହେଲେ ଗୁତ୍ଥୀ
ଗ୍ରୋଭରଙ୍କ ଗୁତ୍ଥୀ ଚରିତ୍ର ପ୍ରାୟ ସମସ୍ତଙ୍କର ପ୍ରିୟ। ଗୁତ୍ଥୀ ଚରିତ୍ର ସହ ତାଙ୍କର ଝିଅ ଭଳି ଡାଏଲାଗ ବେଶି ହସାଇଥାଏ। ଗୁତ୍ଥୀ ଚରିତ୍ରରେ ସେ ଭୁବନେଶ୍ୱରରୁ ନିଜ ପାଇଁ ପୁଅ ଖୋଜିଥିଲେ। ପ୍ରଥମେ ଅଲିକୁ ବାହା ହୋଇଥିଲେ। ପରେ ମଞ୍ଚ ତଳେ ଥିବା ଏକ ପିଲାକୁ ଡାକି ଆଣି ବାହା ହୋଇଥିଲେ। ତାକୁ ବରମାଳ ପିନ୍ଧାଇବା ସହ ଗୋଟିଏ ଓଢଣି ତଳେ ଢାଙ୍କି ହୋଇ ରହିଥିଲେ। ଯାହାକୁ ଦେଖି ଲୋକମାନେ ତାଳି ମାରି ହସିଥିଲେ। ଏଥିସହ ସେହି ପିଲାକୁ ହାତରେ ଧରି ବୁଲାଇଥିଲେ ଯାହାକି ଦର୍ଶକଙ୍କୁ ବେଶି ମନୋରଞ୍ଜନ ଦେଇଥିଲା।