ଖପ୍ରାଖୋଲ, ୧୨ା୫: ବଲାଙ୍ଗୀର ଜିଲା ଖପ୍ରାଖୋଲ ବ୍ଳକ ଅଞ୍ଚଳରେ କରୋନା ସଂକ୍ରମଣ ଦିନକୁ ଦିନ ବୃଦ୍ଧି ପାଉଛି। ଗାଁ ଗାଁରେ ଲୋକଙ୍କୁ ଜ୍ବର ହେଉଛି। ସଚେତନ ଲୋକେ କରୋନା ଟେଷ୍ଟ କରୁଥିବା ବେଳେ ଅନେକ ବିନା ଟେଷ୍ଟରେ ଔଷଧ ଖାଇ ଭଲ ହେଉଛନ୍ତି। କେତେକଙ୍କ ଜୀବନ ବି ଯାଉଛି। ନାନ୍ଦୁପଲା ପଞ୍ଚାୟତ ଅନ୍ତର୍ଗତ କୁଠୁର୍ଲା ଗାଁରେ ଜ୍ବର ହେଉଥିବା ଜାଣି ସ୍ବାସ୍ଥ୍ୟ ବିଭାଗ ତରଫରୁ ଗାଁରେ କରୋନା ଟେଷ୍ଟ କରାଯାଇଛି। ଦୁଇଦିନ ତଳେ ଛଅଜଣ ପଜିଟିଭ ଚିହ୍ନଟ ହୋଇଥିବା ବେଳେ ବୁଧବାର ୧୧ଜଣ ପଜିଟିଭ ଚିହ୍ନଟ ହୋଇଛନ୍ତି। ଏଥି ମଧ୍ୟରୁ ତିନି ଜଣ ୫ବର୍ଷରୁ କମ୍ ଶିଶୁ ଥିବା ଜଣାଯାଇଛି । ଗାଁକୁ ବିଡିଓ ତରଣୀ ସୁନା, ସ୍ବାସ୍ଥ୍ୟ ବିଭାଗ ବିପିଏମ ଯୁଗଳ କିଶୋର ସାହୁ, ସ୍ବାସ୍ଥ୍ୟ କର୍ମୀ ରଞ୍ଜନ ମେହେର ପ୍ରମୁଖ ପହଞ୍ଚି ଲୋକଙ୍କୁ ସଚେତନ କରିଥିଲେ ।
