ଲକ୍ଷ୍ନୌ,୫ ।୯: ଉତ୍ତର ପ୍ରଦେଶର ଲକ୍ଷ୍ନୌରେ ଥିବା ଲେୱାନ ହୋଟେଲରେ ସୋମବାର ସକାଳୁ ନିଆଁ ଲାଗି ଯାଇଛି । ହୋଟେଲ ସହରର ଭିଆଇପି ଅଞ୍ଚଳ ହଜରତଗଞ୍ଜରେ ଅବସ୍ଥିତ । ଅନୁମାନ କରାଯାଉଛି ଏହି ହୋଟେଲ ନିଆଁରେ କେତେକ ଲୋକେ ଆହତ ହୋଇଛନ୍ତି । ନିଆଁ ଲିଭାଇବାକୁ ଖବର ପାଇଁ ତୁରନ୍ତ ଅଗ୍ନିଶମ ବାହିନିର ଗାଡି ପହଞ୍ଚିଛି । ହୋଟେଲ ବାହାରେ ଥିବା ଜଣେ ବ୍ୟକ୍ତି କହିଛନ୍ତି ହୋଟେଲ ଭିତରେ ଅତିକମ୍ରେ ୨୦ଜଣ ଲୋକ ଥାଇପାରନ୍ତି । ଫାୟାର ବ୍ରିଗେଡର ୬ଟି ଗାଡି ନିଆଁ ଲିଭା କାର୍ଯ୍ୟରେ ଲାଗିଛି । ହେଲେ କେମିତି ନିଆଁ ଲାଗିଛି ତାହା ଏପର୍ଯ୍ୟନ୍ତ ଜଣାପଡିନାହିଁ ।