ଦୋହା,୧୯।୧୨:ଫିଫା ବିଶ୍ୱକପ୍ର ଫାଇନାଲରେ ଆର୍ଜେଣ୍ଟିନା ପେନାଲ୍ଟି ସୁଟଆଉଟରେ ଫ୍ରାନ୍ସକୁ ୪-୨ରେ ପରାସ୍ତ କରି ଟ୍ରଫି ଜିତିଛି। ମ୍ୟାଚରେ ଅନେକ ରୋମାଞ୍ଚକର ମୁହୂର୍ତ୍ତ ଥିଲା। ପ୍ରଥମାର୍ଦ୍ଧରେ ୧-୦ରେ ଅଗ୍ରଣୀ ହାସଲ କରିବା ସତ୍ତ୍ୱେ ଆର୍ଜେଣ୍ଟିନା ଦ୍ୱିତୀୟାର୍ଦ୍ଧରେ ପଛରେ ପଡ଼ିଯାଇଥିଲା।
ଦ୍ୱିତୀୟାର୍ଦ୍ଧରେ ଫ୍ରାନ୍ସକୁ ଫେରାଇ ଆଣିବା ପାଇଁ କିଲିଆନ୍ ଏମ୍ବାପେ ଦୁଇ ମିନିଟରେ ଦୁଇଟି ଗୋଲ ସ୍କୋର କରିଥିଲେ। ମ୍ୟାଚ୍ର ନିର୍ଦ୍ଧାରିତ ସମୟ ପର୍ଯ୍ୟନ୍ତ ସ୍କୋର ୨-୨ ରେ ସମାନ ରହିବା ପରେ ମ୍ୟାଚ ଅତିରିକ୍ତ ସମୟକୁ ଗଲ। ମେସି ଆଉ ଏକ ଗୋଲ ସ୍କୋର କରିବା ପରେ ଏମ୍ବାପେ ପୁଣି ଫ୍ରାନ୍ସକୁ ମ୍ୟାଚ୍କୁ ଫେରାଇ ଆଣି ସ୍କୋର ୩-୩ ସହ ସମାନ ଥିଲା। ତା’ପରେ ଆର୍ଜେଣ୍ଟିନା ପେନାଲ୍ଟି ସୁଟଆଉଟରେ ଜିତିଥିଲା। ଆଠ ଗୋଲ ଦେଇ ଟୁର୍ନାମେଣ୍ଟର ଶୀର୍ଷ ସ୍କୋରର ଥିଲେ ଏମ୍ବାପେ।
ଫାଇନାଲ ପରେ ଟୁର୍ନାମେଣ୍ଟର ଶ୍ରେଷ୍ଠ ପ୍ରଦର୍ଶନ ପାଇଁ ଖେଳାଳିଙ୍କୁ ପୁରସ୍କାର ପ୍ରଦାନ କରାଯାଇଥିଲା। ଏଥି ମଧ୍ୟରେ ବିଶ୍ୱକପ ଗୋଲଡେନ ବୁଟ, ବିଶ୍ୱକପ ଗୋଲଡେନ ଗ୍ଲୋଭ, ଫିଫା ୟଙ୍ଗ ପ୍ଲେୟାର ଆୱାର୍ଡ ଏବଂ ଫିଫା ଫେୟାର ପ୍ଲେ ପୁରସ୍କାର ସାମିଲ ଅଛି। ଜାଣନ୍ତୁ କେଉଁ ପୁରସ୍କାର କାହାକୁ ଦିଆଯାଇଥିଲା…
ଗୋଲଡେନ ବୁଟ- କିଲିଆନ ଏମ୍ବାପେ- ଫ୍ରାନ୍ସ- ୮ ଗୋଲ
ଗୋଲଡେନ ବଲ- ଲିଓନେଲ ମେସି-ଆର୍ଜେଣ୍ଟିନା- ୭ ଗୋଲ, ୩ ଆସିଷ୍ଟ
ଗୋଲଡେନ ଗ୍ଲୋଭ-ଏମିଲିଆନୋ ମାର୍ଟିନେଜ-ଆର୍ଜେଣ୍ଟିନା-ଦୁଇଟି ପେନାଲ୍ଟି ସୁଟ ଆଉଟ-ଉତ୍କୃଷ୍ଟ ଗୋଲକିପିଂ
ଫିଫା ୟଙ୍ଗ ପ୍ଲେୟାର ପୁରସ୍କାର-ଏନଜୋ ଫର୍ଣ୍ଣାଣ୍ଡିଜ-ଆର୍ଜେଣ୍ଟିନା ଦଳକୁ ଅନେକ ଗୋଲରେ ସାହାଯ୍ୟ କରିଥିବାବେଳେ ଏକାକୀ ଆର୍ଜେଣ୍ଟିନାର ମିଡଫିଲ୍ଡକୁ ମଧ୍ୟ ପରିଚାଳନା କରିଥିଲେ
ଫେୟାର ପ୍ଲେ ଟ୍ରଫି-ଇଂଲଣ୍ଡ-କମ କାର୍ଡ ଦିଆଯାଇଥିଲା