ଦୋହା,୨୦।୧୧: ଫିଫା ବିଶ୍ୱକପ୍ର ୨୨ତମ ସଂସ୍କରଣ ରବିବାର ଉଦ୍ଘାଟିତ ହୋଇଛି। ମ୍ୟାଚ ପୂର୍ବରୁ ଟୁର୍ନାମେଣ୍ଟର ଉଦଘାଟନୀ ସମାରୋହ କତାରର ଅଲ ବାଇଡ ଷ୍ଟାଡିୟମରେ ଅନୁଷ୍ଠିତ ହୋଇଛି। ଏହି ରଙ୍ଗୀନ ଇଭେଣ୍ଟରେ ଅଭିନେତ୍ରୀ ତଥା ମଡେଲ ନୋରା ଫତେହି ନିଜ ଜଲଓ୍ବା ଦେଖାଇଛନ୍ତି। ଏହା ବ୍ୟତୀତ କୋରିଆର ରକ ବ୍ୟାଣ୍ଡ ବିଟିଏସ ମଧ୍ୟ ନିଜ ଧୂନ୍ରେ ଦର୍ଶକଙ୍କୁ ମତୁଆଲା କରିଛନ୍ତି।
ଉଦଘାଟନୀ ସମାରୋହରେ ଆମେରିକୀୟ ଅଭିନେତା ମୋର୍ଗାନ ଫ୍ରିମାନ ମଧ୍ୟ ଯୋଗ ଦେଇଥିଲେ। ମାସ୍କଟ ‘ଲାଇବ’ ଦକ୍ଷିଣ କୋରିଆ ବ୍ୟାଣ୍ଡର ଜଙ୍ଗକୁକ ଏବଂ ଗାୟକ ଫାହାଦ ଅଲ କୁବାସିଙ୍କୁ ସ୍ବାଗତ କରିଥିଲା।
ଫିଫା ବିଶ୍ୱକପ ୨୦୨୨ର ପ୍ରଥମ ମ୍ୟାଚ ଆୟୋଜକ କାତାର ଏବଂ ଇକେ୍ୟୁଡର ମଧ୍ୟରେ ଖେଳାଯିବ। ଏହି ସମଗ୍ର ଟୁର୍ନାମେଣ୍ଟରେ ମୋଟ ୩୨ଟି ଦଳ ଅଂଶଗ୍ରହଣ କରୁଛନ୍ତି। ଏଥିରେ ମୋଟ ୬୪ଟି ମ୍ୟାଚ ଖେଳାଯିବ। ଲିଗ ପର୍ଯ୍ୟାୟ ପରେ ୧୬ଟି ଦଳ ନକଆଉଟ ପର୍ଯ୍ୟାୟରେ ସ୍ଥାନ ପାଇବେ। ଟୁର୍ନାମେଣ୍ଟର ଅନ୍ତିମ ମ୍ୟାଚ ୧୮ ଡିସେମ୍ବରରେ ଖେଳାଯିବ।
