ପ୍ରତିଦିନ ସୋସିଆଲ ମିଡିଆରେ ଅନେକ ଭିଡିଓ ଭାଇରାଲ ହେଉଛି। ସେଥିରୁ କେତେକ ଭିଡିଓ ହସର ଖୋରାକ ଯୋଗାଉଥିବାବେଳେ କେତେକ ଭାବପ୍ରବଣ କରିଦିଏ। ବର୍ତ୍ତମାନ ହାତୀପଲ ଦୌଡରେ ସାମିଲ ହୋଇଥିବା ଏକ ଭିଡିଓ ସୋସିଆଲ ମିଡିଆରେ ବେଶ ଭାଇରାଲ ହୋଇଛି।
ଭିଡିଓରେ ଦେଖାଯାଇଛି, ହାତୀପଲ ନଦୀ କୂଳରେ ଦୌଡୁଛନ୍ତି। ଦୌଡରେ ଛୁଆ ହାତୀ ମଧ୍ୟ ସାମିଲ ହୋଇଥିବା ଦେଖାଯାଇଛି। ଆଇଏଫଏସ୍ ସୁଶାନ୍ତ ନନ୍ଦ ଉକ୍ତ ଭିଡିଓକୁ ନିଜ ଟୁଇଟର ଆକାଉଣ୍ଟରେ ଶେୟାର କରିଛନ୍ତି। ସେ କ୍ୟାପସନରେ ଲେଖିଛନ୍ତି, ବିଶ୍ୱ ହାତୀ ଦିବସ ଉପଲକ୍ଷେ ଅନୁଷ୍ଠିତ ଗଣଦୌଡ ସମାରୋହରେ ଅଂଶଗ୍ରହଣ କରିଥିବା ୫୦ ହାତୀ। ଏହି ଭିଡିଓକୁ ଅନେକ ଲୋକ ଲାଇକ କରିଥିବାବେଳେ ଅନେକ ଭିନ୍ନ ମତ ଦେଇଛନ୍ତି।