ବେଙ୍ଗାଲୁରୁ: ରାସ୍ତାରେ ସ୍କୁଲଛାତ୍ରୀଙ୍କ ମହାଭାରତ। ସ୍କୁଲ ପୋଷାକରେ ପରସ୍ପରର ଚୁଟି ଧରି ଘୋଷାଡ଼ିବା ସହ ବିଧା, ଗୋଇଠା, ମୁଥ, କାଠ ଫାଳିଆରେ ଆକ୍ରମଣ କୌଣସି ଗ୍ୟାଙ୍ଗଓ୍ବାରଠାରୁ କମ୍ ଲାଗୁନାହିଁ। ଜଣେ ପୁଅପାଇଁ ସେମାନେ ଏପରି କାଣ୍ଡ ଭିଆଇଛନ୍ତି। ଏହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।
ଘଟଣାଟି ବେଙ୍ଗାଲୁରୁର ସେଣ୍ଟ ମାର୍କ ରୋଡରେ ଘଟିଛି। ଏଠାରେ ଏକ ପ୍ରତିଷ୍ଠିତ ବିଦ୍ୟାଳୟର ଛାତ୍ରୀମାନେ ପରସ୍ପରକୁ ଆକ୍ରମଣ କରିଛନ୍ତି। ଦୁଇ ଲେଡି ଗ୍ୟାଙ୍ଗ ପରସ୍ପରକୁ କାଠ ଫାଳିଆରେ ଆକ୍ରମଣ କରୁଛନ୍ତି। କିଛି ଝିଅ ସ୍କୁଲ ଡ୍ରେସରେ ଥିବା ବେଳେ ଆଉ କିଛି ପିଲା ଫର୍ମାଲ ଡ୍ରେସ ପିନ୍ଧିଛନ୍ତି। ଦୀର୍ଘ ସମୟ ଧରି ରାସ୍ତାରେ ଏପରି ମାରପିଟ ଚାଲିବା ପରେ ବେଳେ କିଛି ଲୋକ ଏହାକୁ ଅଟକାଇ ଥିଲେ। ସେହିପରି କିଛି ସ୍କୁଲ ଡ୍ରେସ ପିନ୍ଧା ପୁଅ ମଧ୍ୟ ଗଣ୍ଡଗୋଳ କରୁଥିବା ଝିଅମାନଙ୍କୁ ବୁଝାଇଥିବା ଜଣାପଡ଼ିଛି। ଭିଡିଓଟି କେବେର ସେକଥା ଜଣାପଡ଼ିନାହିଁ।
ତେବେ ୨ ସ୍କୁଲ ଛାତ୍ରୀ ପ୍ରଥମେ ଜଣେ ପୁଅ ପାଇଁ ପରସ୍ପର ସହ ଝଗଡ଼ା କରିଥିଲେ। ଏହାପରେ ଉଭୟ ଛାତ୍ରୀଙ୍କ ସାଙ୍ଗମାନେ ସେଠାରେ ପହଞ୍ଚିବା ପରେ ସେମାନଙ୍କ ମଧ୍ୟରେ ଭୟଙ୍କର ମାରପିଟ ଆରମ୍ଭ ହୋଇଥିବା କୁହାଯାଉଛି। ସେଠାରେ ଉପସ୍ଥିତ କିଛି ଲୋକ ଏହାର ଭିଡିଓ କଏଦ ହେବା ପରେ ତାହା ଭାଇରାଲ ହେଉଛି।
ଦେଖନ୍ତୁ ଭିଡିଓ: