ଦୁନିଆରେ ଏପରି ଅନେକ ଜିନିଷ ଦେଖିବାକୁ ମିଳେ, ଯାହା ଉପରେ ବିଶ୍ୱାସ କରିବା କଷ୍ଟକର। ଅନେକ ଥର ପଶୁମାନଙ୍କୁ ନେଇ କିଛି ଘଟଣା ଲୋକଙ୍କୁ ଚିନ୍ତାରେ ପକାଇଥାଏ। ଏହିଭଳି ଏକ ଭିଡିଓ ଏବେ ଭାଇରାଲ ହେଉଛି। ଜଣେ ଭାରତୀୟ ବନସେବା ଅଧିକାରୀ ନିଜ ଟୁଇଟର ହ୍ୟାଣ୍ଡେଲରେ ଭିଡିଓଟିକୁ ଶେୟାର କରିଛନ୍ତି। ଭିଡିଓରେ ଏକ ସାପ ଏବଂ ଗୁଣ୍ଡୁଚିମୂଷା ମଧ୍ୟରେ ଜୋରଦାର ଲଢ଼େଇ ଦେଖିବାକୁ ମିଳୁଛି। କିଛି ଲୋକେ ଏହାକୁ ପସନ୍ଦ କରୁଥିବା ବେଳେ କିଛି ଚକିତ ହୋଇଯାଇଥିବା କହିଛନ୍ତି।
ଆଇଏଫ୍ଏସ୍ ସୁଶାନ୍ତ ନନ୍ଦା ସୋସିଆଲ ମିଡିଆରେ ବହୁତ ସକ୍ରିୟ। ସେ ପ୍ରାୟତଃ ଜଙ୍ଗଲ ଦୁନିଆ ସହ ଜଡ଼ିତ କିଛି ଫଟୋ ଏବଂ ଭିଡିଓ ଲୋକମାନଙ୍କ ସହ ବାଣ୍ଟିଥାନ୍ତି। ଏହି କ୍ରମରେ ସେ ଏକ ଭିଡିଓ ଶେୟାର କରିଛନ୍ତି। ଭିଡିଓରେ ଏକ ସାପ ଏବଂ ଗୁଣ୍ଡୁଚିମୂଷାକୁ ଦେଖିବାକୁ ମିଳୁଛି। ଉଭୟ ପରସ୍ପରକୁ ଜୋରଦାର ଆକ୍ରମଣ କରୁଛନ୍ତି। କିଛି ସମୟ ପରେ ସାପଟି ଗୁଣ୍ଡୁଚିମୂଷା ସମ୍ମୁଖରେ ଅସହାୟ ହୋଇଯାଉଛି। ଶେଷରେ ଗୁଣ୍ଡୁଚିମୂଷାଟି ସାପର ମୁହଁକୁ ଖାଉଥିବା ଦେଖିବାକୁ ମିଳିଛି।
ଦେଖନ୍ତୁ ଭିଡିଓ:
ଭିଡିଓ ଦେଖି ଆଶ୍ଚର୍ଯ୍ୟ ହୋଇଯାଇଥିବେ ନିଶ୍ଚୟ। ତେବେ କଥାରେ କଛି ଏହି ଦୁନିଆରେ କିଛି ବି ଅସମ୍ଭବ ନୁହେଁ।