ଭୁବନେଶ୍ୱର,୧୨।୮:ପଞ୍ଜାବ ନ୍ୟାଶନାଲ ବ୍ୟାଙ୍କ (ପିଏନ୍ବି)ର ଆଞ୍ଚଳିକ କାର୍ଯ୍ୟାଳୟ ଭୁବନେଶ୍ୱର ଏବଂ ଟାଉନ୍ ଅଫିସିଆଲ୍ ଲାଙ୍ଗୁଏଜ୍ ଇମ୍ପ୍ଲିମେଣ୍ଟସନ କମିଟି (ବ୍ୟାଙ୍କ) ଭୁବନେଶ୍ୱରର ସହଯୋଗିତାରେ ଏକ ‘ଫିଲ୍ମ ସମୀକ୍ଷା ଲେଖା ପ୍ରତିଯୋଗିତା’ ନିକଟରେ ଆୟୋଜିତ ହୋଇଯାଇଛି। ଏହି ଅବସରରେ ଟାଉନ ଅଫିସିଆଲ୍ ଲାଙ୍ଗୁଏଜ୍ ଇମ୍ପ୍ଲିମେଣ୍ଟସନ୍ କମିଟି (ବ୍ୟାଙ୍କ) ର ସହାୟକ ମହାପ୍ରବନ୍ଧକ ଏବଂ ଅନ୍ୟ ବ୍ୟାଙ୍କର ଅଫିସିଆଲ୍ ଲାଙ୍ଗୁଏଜ୍ ଅଧିକାରୀମାନେ ଉପସ୍ଥିତ ଥିଲେ। ବ୍ୟାଙ୍କର ଭୁବନେଶ୍ୱର ଆଞ୍ଚଳିକ କାର୍ଯ୍ୟାଳୟର ଆଞ୍ଚଳିକ ପ୍ରବନ୍ଧକ ଉଦୟ ଭାସ୍କର ରେଡ୍ଡୀ ଉପସ୍ଥିତ ସମସ୍ତ ଅଧିକାରୀଙ୍କୁ ସ୍ବାଗତ କରିଥିଲେ ଏବଂ ଅଫିସିଆଲ୍ ଲାଙ୍ଗୁଏଜ୍ ପଲିସିର କାର୍ଯ୍ୟାନ୍ବୟନ ସମୀକ୍ଷା ନିମନ୍ତେ ଏହି ଟୋଲିକ୍ ଗଠନର ଉଦ୍ଦେଶ୍ୟ ବୋଲି ପ୍ରକାଶ କରିଥିଲେ। ଏହିପରି ପ୍ରତିଯୋଗିତା ବିଭିନ୍ନ ସମୟରେ ଆୟୋଜିତ ହେବା ସହ ପରସ୍ପର ସହିତ ଯୋଗାଯୋଗ ଏବଂ ଭାବାନୁପ୍ରଦାନ ଓ ସହଭାଗିତା ଏହା ମାଧ୍ୟମରେ ସହଜ ହେବ ବୋଲି ରେଡ୍ଡୀ ମତ ପ୍ରକାଶ କରିଥିଲେ। ବ୍ୟାଙ୍କର ଭୁବନେଶ୍ୱର ମଣ୍ଡଳ କାର୍ଯ୍ୟାଳୟର ଉପ-ମହାପ୍ରବନ୍ଧକ ଉମାକାନ୍ତ ଦାସ ସମସ୍ତ ଅଂଶଗ୍ରହଣକାରୀ ଏବଂ ଅଫିସିଆଲ୍ ଲାଙ୍ଗୁଏଜ୍ ଅଧିକାରୀମାନଙ୍କୁ ଧନ୍ୟବାଦ ଅର୍ପଣ କରିଥିଲେ।