ମୁମ୍ବାଇ,୭।୧୧-ବଲିଉଡ ଚଳଚ୍ଚିତ୍ର ନିର୍ମାତା ସୁଦର୍ଶନ ରତନଙ୍କ କରୋନାରେ ପରଲୋକ ହୋଇଛି। ଏ ନେଇ ଅଭିନେତା ଶେଖର ସୁମନ ସୋସିଆଲ ମିଡିଆ ମାଧ୍ୟମରେ ସୂଚନା ଦେଇଛନ୍ତି। ଶେଖର ତାଙ୍କ ଅଫିସିଆଲ ଟୁଇଟର ଆକାଉଣ୍ଟ ଜରିଆରେ ଟୁଇଟ କରି ଲେଖିଛନ୍ତି, କରୋନା କାରଣରୁ ମୋର ଜଣେ ବନ୍ଧୁ ସୁଦର୍ଶନ ରତନଙ୍କୁ ମୁଁ ହରାଇଲି। ସେ ମାଧୁରୀ ଦୀକ୍ଷିତଙ୍କ ସହ ମୋର ଦ୍ୱିତୀୟ ଚଳଚ୍ଚିତ୍ରର ନିର୍ଦ୍ଦେଶନା ଦେଇଥିଲେ। ତୁମକୁ ମୁଁ ମନେ ପକାଇବି। ଭଗବାନ ତୁମ ଆତ୍ମାକୁ ଶାନ୍ତି ଦିଅନ୍ତୁ ବୋଲି ସେ କହିଛନ୍ତି।