ବଲାଙ୍ଗୀର, ୪।୯(ସୁନିଲ କୁମାର ମହାନ୍ତି): ସଇଁତଲା ଥାନା ବଡ଼ମାଳ ଫାଣ୍ଡି ଅନ୍ତର୍ଗତ ଗୋଏଲଭାଡ଼ି ଗ୍ରାମ ନିକଟସ୍ଥ ବର୍ଣ୍ଣି ସଂରକ୍ଷିତ ଜଙ୍ଗଲରୁ ଜଣେ ଫାଇନାନ୍ସ କମର୍ର୍ଚାରୀଙ୍କ ଝୁଲନ୍ତା ମୃତଦେହ ପୋଲିସ ଜବତ କରିଛି । ସଇଁତଲା ଥାନା ଅଧିକାରୀଙ୍କ ସୂଚନା ଅନୁସାରେ ଟିଟିଲାଗଡ଼ସ୍ଥିତ ସର୍ଗିଗୁଡ଼ା ଗ୍ରାମର ଉତ୍ତମ ନାଗ ନାମକ ଜଣେ ବ୍ୟକ୍ତି ଗତ ୨ ତାରିଖରୁ ନିଖୋଜ ଥିବା ନେଇ ଟିଟିଲାଗଡ଼ ଥାନାରେ ତାଙ୍କ ପରିବାର ଲିଖିତ ଅଭିଯୋଗ କରିଥିଲେ ।
ବୁଧବାର ସକାଳ ସମୟରେ ଗୋଏଲଭାଡ଼ିି ଗ୍ରାମର କେତେଜଣ ବ୍ୟକ୍ତି ଜଙ୍ଗଲକୁ ଯାଇଥିବା ସମୟରେ ଏକ ଗଛରେ ଜଣେ ଯୁବକଙ୍କ ମୃତଦେହ ଝୁଲୁଥିବା ଦେଖି ବଡ଼ମାଳ ଫାଣ୍ଡିକୁ ଖବର ଦେଇଥିଲେ । ବଡ଼ମାଳ ଫାଣ୍ଡି ଅଧିକାରୀ ହରେକୃଷ୍ଣ ମାଝୀ, ସଇଁତଲା ଥାନା ଅଧିକାରୀ ଶୁଶାନ୍ତ ବଢ଼େଇ ଏବଂ ଅନ୍ୟ ପୋଲିସ କର୍ମଚାରୀ ଘଟଣାସ୍ଥଳରେ ପହଞ୍ଚତ୍ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ଡାକ୍ତରଖାନା ପଠାଇଥିଲେ ।
ତଦନ୍ତ ପରେ ପୋଲିସ ମୃତକ ଟିଟିଲାଗଡ଼ସ୍ଥିତ ସର୍ଗିଗୁଡ଼ାର ଉତ୍ତମ ନାଗ ବୋଲି ଜାଣିବାକୁ ପାଇଥିଲେ ା ସେ ଗତ ୩ ବର୍ଷ ହେବ ଟିଟିଲାଗଡ଼ର ଏକ ଫାଇନାନ୍ସରେ କାମ କରୁଥିଲେ ବୋଲି ଜାଣିବାକୁ ପାଇ ପୋଲିସ ପରିବାର ଲୋକଙ୍କୁ ଖବର ଦେଇଥିଲା । ଘଟଣାସ୍ଥଳରୁ ପୋଲିସ ଏକ ମୋଟରସାଇକେଲ (ନଂ. ଓଡ଼ି -୦୮-ଏଚ-୮୮୬୮) ଓ ଗୋଟିଏ ବାଲଟି ଜବତ କରିଛି ା ବଲାଙ୍ଗୀର ଫରେନସିକ ଟିମ୍ ପହଞ୍ଚତ୍ ଅଧିକ ତଦନ୍ତ ଚଳାଇଛି ।