ମୁମ୍ବାଇ: ବହୁ ପ୍ରତିକ୍ଷୀତ ଫିଲ୍ମ ‘ଏକ୍ ଭିଲେନ୍ ରିଟର୍ନସ’ଶୁକ୍ରବାର ରିଲିଜ୍ ହେବାକୁ ଯାଉଛି। ତେବେ ଫିଲ୍ମକୁ ଦେଖିବାକୁ ଦର୍ଶକଙ୍କ ମଧ୍ୟରେ ଉତ୍ସାହ ବଢିବାରେ ଲାଗିଛି। ଏଥିରେ ଦିଶା ପଟାନି, ଅର୍ଜୁନ କପୁର୍, ଜନ୍ ଆବ୍ରହମ୍ ଏବଂ ତାର ସୂତାରିଆଙ୍କୁ ଦେଖିବାକୁ ମିଳିବ। ବର୍ତ୍ତମାନ ଷ୍ଟାର୍କାଷ୍ଟମାନେ ଫିଲ୍ମକୁ ପ୍ରମୋଶନ କରିବାରେ ଲାଗିଛନ୍ତି। ହେଲେ ଆପଣ ଜାଣିଛନ୍ତି ଫିଲ୍ମ ପାଇଁ କେଉଁ ଷ୍ଟାର୍କାଷ୍ଟ କେତେ ଫି ନେଇଛନ୍ତି?
ଏକ ରିର୍ପୋଯ ଅନୁଯାୟୀ, ବଲିଉଡର ହ୍ୟାଣ୍ଡସମ୍ ଅଭିନେତା ଜନ୍ ଆବ୍ରାହମ୍ ଏହି ଫିଲ୍ମ ପାଇଁ
୬ କୋଟି ଟଙ୍କା ଫି ନେଇଛନ୍ତି। ସେ ପ୍ରାୟତଃ ଅଭିନୟ ଏବଂ ଫିଟନେସ୍କୁ ନେଇ ଚର୍ଚ୍ଚାରେ ରୁହନ୍ତି। ଏହି ଫିଲ୍ମରେ ମଧ୍ୟ ତାଙ୍କର ଜଲଓ୍ବା ଦେଖିବାକୁ ଦର୍ଶକ ଅପେକ୍ଷା କରିଛନ୍ତି। ଅଭିନେତ୍ରୀ ଦିଶା ପଟାନି ମଧ୍ୟ କେଉଁଥିରେ କମ୍ ନୁହନ୍ତି। ଫିଲ୍ମ ‘ଏକ୍ ଭିଲେନ୍ ରିଟର୍ନସ’ରେ ଦିଶାଙ୍କ ବୋଲ୍ଡ ଷ୍ଟାଇଲ ଦର୍ଶକ ବେଶ୍ ପସନ୍ଦ କରିଛନ୍ତି। କୁହାଯାଉଛି ଯେ ଦିଶା ଏହି ଫିଲ୍ମ ପାଇଁ ୪ କୋଟି ଟଙ୍କା ନେଇଛନ୍ତି। ଅଭିନେତ୍ରୀ ତାରା ସୁତାରିଆ ମଧ୍ୟ ଏହି ଫିଲ୍ମ ପାଇଁ ୨ କୋଟି ଟଙ୍କା ଫି ନେଇଛନ୍ତି। ସେହିପରି ଅଭିନେତା ଅର୍ଜୁନ କପୁର୍ ବ୍ୟକ୍ତିଗତ ଜୀବନକୁ ନେଇ ଚର୍ଚ୍ଚାରେ ରୁହନ୍ତି। ତାଙ୍କର ଅନେକ ଫିଲ୍ମ ସୁପରହିଟ୍ ହୋଇଛି। ‘ଏକ୍ ଭିଲେନ୍ ରିଟର୍ନସ’ରେ ଅର୍ଜୁନଙ୍କୁ ଉଦୟ ଖୁରାନା ଭୂମିକାରେ ଦେଖିବାକୁ ମିଳିବ। ସେ ଏହି ଫିଲ୍ମ ପାଇଁ ୪ କୋଟି ନେଇଥିବା ଜଣାପଡ଼ିଛି।
