ପ୍ରଥମ ଡେଟ୍ରେ ପ୍ରେମିକାଙ୍କଠାରୁ ୧୦୦ ଟଙ୍କା ଉଧାର ନେଇଥିଲେ ଏହି ପ୍ରସିଦ୍ଧ ଅଭିନେତା, ଜାଣନ୍ତୁ କାହିଁକି
07 ବଲିଉଡ୍ରେ ଅନେକ ପ୍ରେମ କାହାଣୀ ବିବାହ ପରେ ଭାଙ୍ଗି ଯାଇଛି। ସେଥିମଧ୍ୟରୁ ସୈଫ ଅଲି ଖାନ ଏବଂ ଅମୃତା ସିଂଙ୍କ ପ୍ରେମ କାହାଣୀ ଅନ୍ୟତମ। ଏକ ଫଟୋଶୁଟ୍ ସମୟରେ ଉଭୟ ସାକ୍ଷାତ ହୋଇଥିଲେ। ସେତେବେଳେ ସୈଫ ବଲିଉଡରେ ପାଦ ଦେଇ ନ ଥିଲେ ଏବଂ ତାଙ୍କର ଡେବ୍ୟୁ ଫିଲ୍ମ ପରମ୍ପରା ପାଇଁ ଶୁଟିଂ କରୁଥିଲେ। ଏହି ସମୟରେ ଅମୃତା ଇଣ୍ଡଷ୍ଟ୍ରିର ଶ୍ରେଷ୍ଠ ଅଭିନେତ୍ରୀ ଭାବେ ଜଣାଶୁଣା ଥିଲେ। ତେବେ ଫଟୋଶୁଟ ସମୟରେ ଅମୃତା ସୈଫଙ୍କ ପ୍ରେମରେ ପଡ଼ିଯାଇଥିଲେ। ଫଟୋଶୁଟର ଦୁଇ ଦିନ ପରେ ସୈଫ୍ ଅମୃତାଙ୍କୁ ଡିନର୍ ପାଇଁ ଡାକିଥିଲେ। ଅମୃତା ସୈଫଙ୍କ ପ୍ରସ୍ତାବକୁ ପ୍ରତ୍ୟାଖ୍ୟାନ କରିଥିଲେ କିନ୍ତୁ ତାଙ୍କୁ ଘରକୁ ଆସିବାକୁ ନିମନ୍ତ୍ରଣ କରିଥିଲେ। ସୈଫ ଏହି ପ୍ରସ୍ତାବକୁ ଗ୍ରହଣ କରି ଅମୃତାଙ୍କ ଘରକୁ ଆସିଥିଲେ। ଏଠାରେ ଉଭୟ ପରସ୍ପରକୁ ଅତି ନିକଟରୁ ଜାଣିବାର ସୁଯୋଗ ପାଇଲେ।
ଏହା ପରେ ସୈଫ ଅମ୍ରିତାଙ୍କ ସହିତ ତାଙ୍କ ଘରେ ଦୁଇ ଦିନ ରହିଲେ। ଏହି କାରଣରୁ ସୈଫ ଦୁଇ ଦିନ ପର୍ଯ୍ୟନ୍ତ ଶୁଟିଂ ସେଟ୍ରେ ପହଞ୍ଚି ନ ଥିଲେ ଏବଂ ପରେ ତାଙ୍କୁ ଶୁଟିଂକୁ ଆସିବାକୁ କୁହାଯାଇଥିଲା ଏବଂ ଫିଲ୍ମର ପ୍ରଡକ୍ସନ ୟୁନିଟ ମଧ୍ୟ ତାଙ୍କ ପାଇଁ ଏକ କାର ପଠାଇଥିଲେ। ଏଥି ସହିତ ଅମୃତା ସୈଫଙ୍କୁ ତାଙ୍କ କାରରେ ଶୁଟିଂରେ ଯିବାକୁ କହିଥିଲେ। କାରଣ ଏହି ବାହାନାରେ ସେ ଅନ୍ତତଃ ପକ୍ଷେ ତାଙ୍କୁ କାର୍ ଫେରାଇବାକୁ ଆସିବେ। ଘରୁ ବାହାରିବାବେଳେ ସୈଫ ଅମ୍ରିତାଙ୍କ ଠାରୁ ୧୦୦ଟଙ୍କା ଉଧାର ନେଇଥିଲେ କାରଣ ସେ ନିଜ ୱାଲେଟ ମଧ୍ୟ ଆଣି ନ ଥିଲେ। ଏହା ପରେ, ଉଭୟଙ୍କ ସାକ୍ଷାତ ବୃଦ୍ଧି ପାଇଲା ଏବଂ ୧୯୯୧ରେ ଦୁହେଁ ଗୁପ୍ତ ଭାବରେ ବିବାହ କଲେ। ପରିବାର ସଦସ୍ୟଙ୍କୁ ନ ଜଣାଇ ଉଭୟ ଏହି ପଦକ୍ଷେପ ନେଇଥିଲେ। ଦୁହିଁଙ୍କ ବିବାହ ୧୩ ବର୍ଷ ଧରି ଚାଲିଥିଲା ଏବଂ ପରେ ଉଭୟ ଛାଡପତ୍ର ନେଇଥିଲେ।