ଫୁରସତ

ଜାଣନ୍ତୁ କାହିଁକି ମହିଳାଙ୍କ ପସନ୍ଦ ଡେଙ୍ଗା ପୁରୁଷ
2:44 pmFebruary 25, 2024February 26, 2024 / 09

ମହିଳା ନିଜ ଜୀବନ ସାଥୀ ଭିତରେ ଖୋଜିଥାନ୍ତି କିଛି ଖାସ୍‌ ବିଶେଷତ୍ୱ, ଯେମିତିକି ସେ ସ୍ବଭାବରେ ଭଲ ହୋଇଥିବେ। କେୟାରିଂ ନେଚରର ହେବାସହ ତାଙ୍କୁ ଖୁବ୍‌ ଭଲ ପାଉଥିବେ। ଏହାବାଦ୍‌ ବି ଜଣେ ନାରୀ ପୁରୁଷ ଭିତରେ ଆଉ ଏକ ବିଶେଷତ୍ୱକୁ ବି ଗୁରୁତ୍ୱ ଦିଏ। ସେ ହେଉଛି ମନର ମଣିଷ ଡେଙ୍ଗା ହୋଇଥିବେ। ହଁ ପ୍ରାୟ ମହିଳାଙ୍କର ପସନ୍ଦ ଡ଼େଙ୍ଗା ପୁରୁଷ। ତେବେ କାହିଁକି ଜାଣନ୍ତୁ ସେ ସମ୍ପର୍କରେ…
ନିକଟରେ ହୋଇଥିବା ଏକ ଗବେଷଣା କହେ ଅଧିକାଂଶ ଝିଅ ଜୀବନସାଥୀ ବାଛିବାବେଳେ ଅଧିକ ଉଚ୍ଚତା ଥିବା ପୁରୁଷଙ୍କୁ ଅଧିକ ପସନ୍ଦ କରନ୍ତି। ଜର୍ମାନୀର ୟୁନିଭର୍ସିଟି ଅଫ୍‌ ଜୋଟିଙ୍ଗେନ କରିଥିବା ଏହି ଗବେଷଣା ଅନୁସାରେ ମହିଳାମାନେ ନିଜ ଜୀବନସାଥୀ ଖୋଜିବାବେଳେ ଉଚ୍ଚତାକୁ ବେଶି ଗୁରୁତ୍ୱ ଦିଅନ୍ତି। କାରଣ ମହିଳାଙ୍କୁ ଲାଗେ ଡେଙ୍ଗା ପୁରୁଷ ଅଧିକ ବଳବାନ। ତେଣୁ ପୁରୁଷଙ୍କ ପାଖରେ ମହିଳାମାନେ ସୁରକ୍ଷିତ ଅନୁଭବ କରନ୍ତି। ତା’ସହ ସେମାନଙ୍କର ଧାରଣା ଥାଏ ଯେ, ଏଭଳି ପୁରୁଷ ତାଙ୍କର ଓ ପରିବାରର ଭଲଭାବେ ଧ୍ୟାନ ରଖିପାରିବେ। କିଛି ଗବେଷଣା ଏହା ବି କହେ ଯେ, ଡେଙ୍ଗା ପୁରୁଷ ଅଧିକ ସଫଳ ହୋଇଥାନ୍ତି ଓ ଅଧିକ ରୋଜଗାର କରନ୍ତି। ତେଣୁ ମହିଳାମାନେ ଏଭଳି ପୁରୁଷଙ୍କ ପ୍ରତି ବେଶି ଆକୃଷ୍ଟ ହୁଅନ୍ତି। ବଡ଼ ପରଦା ଓ ଟିଭିର ଛୋଟ ପରଦାରେ ଅଧିକାଂଶ ଅଭିନେତା ଡେଙ୍ଗା ଓ ହ୍ୟାଣ୍ଡସମ୍‌ ହୋଇଥାନ୍ତି। ମହିଳାମାନେ ସାଧାରଣତଃ ପରଦା ଉପରେ ଯେମିତି ପୁରୁଷ ଦେଖନ୍ତି ମନରେ ଜୀବନସାଥୀର ଛବି ବି ସେହିଭଳି ଗଢିଥାନ୍ତି। ସମାଜ ବି ସବୁବେଳେ ଚାହେଁ ନାରୀଠୁ ପୁରୁଷର ଉଚ୍ଚତା ଅଧିକ ହେଉ ବୋଲି। ଯଦି କମ୍‌ ଉଚ୍ଚତାର ପୁରୁଷ ନାରୀର ଜୀବନସାଥୀ ହୁଏ ଲୋକେ ନାନା କଥା କୁହନ୍ତି। ତେଣୁ ନାରୀ ସବୁବେଳେ ଡ଼େଙ୍ଗା ପୁରୁଷ ଚାହେଁ। ଏହାବାଦ ଆଉ କିଛି ଗବେଷଣା କହେ ଯେ, ଡ଼େଙ୍ଗା ପୁରୁଷ ବି କମ୍‌ ଉଚ୍ଚତାର ମହିଳାଙ୍କୁ ପସନ୍ଦ କରନ୍ତି। କାରଣ କମ ଉଚ୍ଚତାର ମହିଳାଙ୍କ ପାଖରେ ସେମାନେ ଅଧିକ ଡ଼େଙ୍ଗା ଲାଗନ୍ତି, ଯାହାକି ସେମାନଙ୍କ ଆତ୍ମବିଶ୍ୱାସ ବଢାଏ। ଯଦିଓ ସବୁ କ୍ଷେତ୍ରରେ ଏହା ଦେଖିବାକୁ ମିଳି ନ ଥାଏ।

Posted inଫୁରସତ View All

୮ ଲକ୍ଷ ଖର୍ଚ୍ଚ କରିବା ସତ୍ତ୍ୱେ ବିଫଳ, ଶେଷରେ ୟୁଟ୍ୟୁବ୍‌ ଛାଡ଼ିଲେ ଫୁଡ୍‌ ବ୍ଲଗର

ନୂଆଦିଲ୍ଲୀ: ସମ୍ପ୍ରତି ୟୁଟ୍ୟୁବ୍‌ ରୋଜଗାରର ଏକ ମାଧ୍ୟମ ପାଲଟିଯାଇଛି। ସେଥିପାଇଁ ଅଧିକାଂଶ ଯୁବପିଢ଼ିଙ୍କ ମଧ୍ୟରେ ୟୁଟ୍ୟୁବର ହେବା ପାଇଁ କ୍ରେଜ୍‌ ବୃଦ୍ଧି ପାଇବାରେ ଲାଗିଛି। କିନ୍ତୁ...

ଖ୍ରୀଷ୍ଟମାସ ପୂର୍ବଦିନ ପୃଥିବୀରେ ହେବ ତାଣ୍ଡବ! ମାଡିଆସୁଛି ୧୨୦ ଫୁଟ୍‌ର ଆଷ୍ଟ୍ରୋଏଡ

ନୂଆଦିଲ୍ଲୀ,୨୦୧୨: ଖ୍ରୀଷ୍ଟମାସ ପୂର୍ବରୁ ଅର୍ଥାତ ଡିସେମ୍ବର ୨୪ରେ, ମହାକାଶରେ ବିରଳ ଘଟଣା ଘଟିବାକୁ ଯାଉଛି। ବୈଜ୍ଞାନିକଙ୍କ ଅନୁଯାୟୀ, ୧୨୦ ଫୁଟ ଲମ୍ବର ଆଷ୍ଟ୍ରୋଏଡ ପୃଥିବୀ ଆଡକୁ...