ଅହମଦାବାଦ: କଳାକାରମାନେ ବେଳେ ବେଳେ ଏଭଳି ସୂକ୍ଷ୍ମ କାରିଗରି କରିଥାନ୍ତି ଯେ, ଦେଖିବା ଲୋକେ ବି ଆଶ୍ଚର୍ଯ୍ୟଚକିତ ହୋଇଯାନ୍ତି। ଏମିତି ଏକ କଳା ପାଇଁ ଏବେ ଚର୍ଚ୍ଚିତ ହୋଇଛନ୍ତି ଗୁଜରାଟ ଭଦୋଦରାର ଜଣେ ଆର୍ଟ ଅଧ୍ୟାପକ ପ୍ରଜେଶ ଶାହ। ଏକ ଛୋଟ ଶଙ୍ଖ ମଲମଲ ପଥର ଏବଂ ଏକ ଚକ୍ଖଡ଼ି ଉପରେ ସେ ସୁନ୍ଦରଭାବରେ ତିଆରି କରିଛନ୍ତି ଗଣେଶଙ୍କ ଚିତ୍ର।
ଶଙ୍ଖ ମଲମଲ ପଥର ଏବଂ ଚକ୍ଖଡ଼ି ଉପରେ ପ୍ରଜେଶ ଏତେ ସୁନ୍ଦରଭାବରେ ଗଣେଶଙ୍କର ଚିତ୍ର ଆଙ୍କିଛନ୍ତି ଯାହା ସମସ୍ତଙ୍କ ପାଇଁ ଆକର୍ଷଣୀୟ ହୋଇପାରିଛି। ସେ ଏଭଳିଭାବରେ ଚିତ୍ର ଆଙ୍କିଛନ୍ତି ଦେଖିଲେ ମନେହେବ ଯେପରି କମ୍ପ୍ୟୁଟରରେ ପ୍ରିଣ୍ଟ କରାଯାଇଛି। ସେଥିପାଇଁ ଏବେ ଲୋକେ ଏଭଳି କଳା ଦେଖି ଉତ୍ସାହିତ ହୋଇଛନ୍ତି। ପ୍ରଜେଶ କହନ୍ତି କି ଲକ୍ଡାଉନ୍ ସମୟରେ ଲୋକେ ଗଣେଶ ପୂଜାକୁ ଧୁମଧାମ୍ରେ କରିପାରିଲେ ନାହଁ। ଅନେକେ ମଧ୍ୟ ଭଗବାନ ଗଣେଶଙ୍କୁ ପୂଜା ପେଣ୍ଡାଲଗୁଡ଼ିକରେ ଦର୍ଶନ କରି ନ ପାରି ଦୁଃଖ ପ୍ରକାଶ କରିଥିଲେ। ତେଣୁ ସେ ଏଭଳି ଏକ ଜିନିଷରେ ଗଣେଶଙ୍କ ଚିତ୍ର ଆଙ୍କି ସମସ୍ତଙ୍କ ପାଖରେ ସହଜରେ ପହଞ୍ଚିପାରିବେ ବୋଲି କହିଛନ୍ତି। ପ୍ରଜେଶଙ୍କର ଏଭଳି କଳାପାଇଁ ତାଙ୍କୁ ବିଭିନ୍ନ ଅଞ୍ଚଳର କଳାକାରମାନେ ଢେର୍ ପ୍ରଶଂସା କରିଛନ୍ତି। ଏହା ସହିତ ତାଙ୍କର ଏଭଳି ସୂକ୍ଷ୍ମ କାରିଗରି ପାଇଁ ବିଭିନ୍ନ ଗଣମାଧ୍ୟମ ତଥା ସୋସିଆଲ ମିଡିଆରେ ମଧ୍ୟ ତାଙ୍କୁ ନେଇ ଚର୍ଚ୍ଚା ହେଉଛି।