ବୁଗୁଡ଼ା,୨୫ା୮(ଡି.ଏନ୍.ଏ.): ଗଞ୍ଜାମ ଜିଲା ବୁଗୁଡ଼ା ଅଞ୍ଚଳରେ ଅମାନିଆ ଗାଡ଼ିଚାଳକଙ୍କ ଦୌରାତ୍ମ୍ୟ ବୃଦ୍ଧି ପାଇଥିବା ବେଳେ ସେମାନଙ୍କୁ ସାବାଡ୍ କରିବା ପାଇଁ ଗୁରୁବାର ସ୍ଥାନୀୟ ପୋଲିସ ପ୍ରଶାସନ ପକ୍ଷରୁ ବୁଗୁଡ଼ା ସହରର ବ୍ଲକ ଛକ, ବୁଦ୍ଧଖୋଲ ଓ ମଦନମୋହନ ଛକଠାରେ କଡ଼ାକଡ଼ି ଯାଞ୍ଚ କରାଯାଇଥିଲା। ଯାଞ୍ଚ ବେଳେ ବିଶେଷକରି ଦୁଇରୁ ଅଧିକ ଆରୋହୀ, ନାବାଳକଙ୍କ ବାଇକ୍ ଚାଳନା ଏବଂ ଦ୍ରୁତ ଗାଡ଼ିଚାଳକଙ୍କୁ ଧରପଗଡ଼ କରାଯାଇ ୪ ହଜାର ଟଙ୍କା ତଣ୍ଡ ଆଦାୟ କରାଯାଇଥିଲା। ଆଇଆଇସି ଚିତ୍ତରଞ୍ଜନ ବେହେରାଙ୍କ ନିର୍ଦ୍ଦେଶ କ୍ରମେ ଏସ୍ଆଇ ସମୀର କୁମାର ସେଠୀ ଓ ପିଏସ୍ଆଇ କାହ୍ନୁଚରଣ ବାରିକଙ୍କ ନେତୃତ୍ୱରେ ପୋଲିସ ବାହିନୀ ଯାଞ୍ଚରେ ସାମିଲ ଥିଲା।