ବେଜିଂ, ୧୬ା୨: ପୂର୍ବ ଲଦାଖର ପାଙ୍ଗୋଙ୍ଗ ହ୍ରଦ ନିକଟ ଫିଙ୍ଗର ୪ରୁ ସେନା ପ୍ରତ୍ୟାହାର କରିଛି ଚାଇନା। ଗତ ବର୍ଷ ଚାଇନାର ପିପଲ୍ସ ଲିବରେଶନ ଆର୍ମୀ ଏହି ଅଞ୍ଚଳକୁ ଦଖଲ କରିବା ସହ ନିଜର ବୋଲି ଦାବି କରିଥିଲା। ନିକଟରେ ଭାରତ ଓ ଚାଇନା ମଧ୍ୟରେ ଅନୁଷ୍ଠିତ ବୈଠକରେ ଆଲୋଚନା ଓ ଚୁକ୍ତି ଅନୁସାରେ ବେଜିଂ ସେଠାରେ ନିର୍ମାଣ କରିଥିବା ଆଶ୍ରୟସ୍ଥଳ ଭାଙ୍ଗିବା ସହ ସମସ୍ତ ସାମଗ୍ରୀ ଉଠାଇଛି। ଚାଇନା ସୈନ୍ୟ ଫିଙ୍ଗର ୮କୁ ଫେରିଲେ ଭାରତ ଏହା ସେନାକୁ ଫିଙ୍ଗର ୨ ଓ ଫିଙ୍ଗର ୩ ମଧ୍ୟରେ ଥିବା ଧାନ ସିଂ ଥାପା ପୋଷ୍ଟକୁ ଫେରାଇ ନେବ ବୋଲି ସର୍ତ୍ତ ରଖିଥିଲା।