ଢାକା,୨୮।୧୨: ସମସ୍ତଙ୍କ ହାତରେ ଫିଙ୍ଗର ପ୍ରିଣ୍ଟ୍ ରହିଥାଏ। ତେବେ ବାଂଲାଦେଶରେ ବାସ କରୁଥିବା ଏକ ପରିବାରର କୌଣସି ପୁରୁଷ ସଦସ୍ୟଙ୍କ ହାତରେ ଫିଙ୍ଗର ପ୍ରିଣ୍ଟ୍ ନାହିଁ। ପିଢ଼ି ପରେ ପିଢ଼ି ଏଭଳି ଜାରି ରହିଛି। ଜିନ୍ ଗତ ତ୍ରୁଟି ଯୋଗୁ ଏଭଳି ହେଉଥିବା ଚିକିତ୍ସା ବିଜ୍ଞାନୀମାନେ ମତପୋଷଣ କରିଛନ୍ତି। ଉତ୍ତର ବାଂଲାଦେଶର ରାଜଶାହି ଜିଲାରେ ବାସ କରୁଥିବା ଅପୁ ସରକାର ଏବଂ ଅମଲ ସରକାରଙ୍କଠାରେ ଏଭଳି ବିରଳ ବ୍ୟତିକ୍ରମ ଦେଖିବାକୁ ମିଳିଛି। ତାଙ୍କ ବାପା ଏବଂ ବୁଢ଼ାବାପାଙ୍କଠାରେ ମଧ୍ୟ ଏଭଳି ସମସ୍ୟା ରହିଥିଲା। ଅପୁ ଚିକିତ୍ସା ସହାୟକ ଭାବେ କାର୍ଯ୍ୟ କରୁଥିଲେ। ୨୦୦୮ଠାରୁ ସେ ଚାକିରୀ ଛାଡି ଏବେ ସେ ଅନ୍ୟ କାମ କରୁଛନ୍ତି। ତାଙ୍କ ବାପା ଏବଂ ବୁଢ଼ାବାପା ଚାଷୀ ଥିଲେ। ଧୀରେଧୀରେ ଦେଶର ସମସ୍ତ ସରକାରୀ କାର୍ଯ୍ୟରେ ଡିଏନ୍ଏ ଫିଙ୍ଗର ପ୍ରିଣ୍ଟ୍କୁ ଗୁରୁତ୍ୱ ଦିଆଯାଉଥିବାବେଳେ ପପୁଙ୍କ ପରିବାର ଏନେି ସଂଘର୍ଷ ଜାରି ରଖିଛନ୍ତି। ସେମାନଙ୍କୁ ନାନା ପ୍ରକାର ହଇରାଣ ହରକତ ହେବାକୁ ପଡୁଛି। ଚିକିତ୍ସା ବିଜ୍ଞାନରେ ଏଭଳି ଆନୁବଂଶିକ ସମସ୍ୟାକୁ ଏଡର୍ମେଟୋଗ୍ଲାଫିଆ କୁହାଯାଇଥାଏ। ଏବେ ଅମଲ ଏବଂ ଅପୁଙ୍କ କାହାଣୀ ସୋସିଆଲ୍ ମିଡ଼ିଆରେ ଭାଇରାଲ ହେବାରେ ଲାଗିଛି।
