ନୂଆଦିଲ୍ଲୀ, ୧୪।୧୦: ଦେଶରେ ଡିସେମ୍ବର ସୁଦ୍ଧା ୮୦ ଲକ୍ଷରୁ ଅଧିକ ଅପରାଧୀଙ୍କ ପାଇଁ ଅଟୋମେଟେଡ୍ ଫିଙ୍ଗରପ୍ରିଣ୍ଟ୍ ସିଷ୍ଟମ୍ ପ୍ରସ୍ତୁତି କାର୍ଯ୍ୟ ଶେଷ ହେବ। ଏହାଦ୍ୱାରା ସହଜରେ ଅପରାଧୀଙ୍କ ଡାଟା ସଂରକ୍ଷିତ ହୋଇ ରହିପାରିବ। ଏନେଇ ଜାତୀୟ ଅପରାଧ ରେକର୍ଡ ବ୍ୟୁରୋ ପକ୍ଷରୁ ସୂଚନା ଦିଆଯାଇଛି। ଏହା ଦ୍ୱାରା ଅପରାଧୀଙ୍କୁ ଚିହ୍ନଟ କରିବା ସହଜ ହୋଇପାରିବ। ନଭେମ୍ବର ସୁଦ୍ଧା ଏହି ସିଷ୍ଟମ୍ର ବିକଶିତ ପାଇଁ ଥିବା ଅବଶିଷ୍ଟ କାର୍ଯ୍ୟ ସମ୍ପନ୍ନ ହେବା ପରେ ଡିସେମ୍ବର ତୃତୀୟ ସପ୍ତାହଠାରୁ ଏହାର ଉପଯୋଗ କରାଯିବାର ସମ୍ଭାବନା ରହିଛି। ତେବେ କେଉଁ ତାରିଖଠାରୁ ଏହା କାର୍ଯ୍ୟ କରିବ ସେ ନେଇ ଜାତୀୟ ଅପରାଧ ରେକର୍ଡ ବ୍ୟୁରୋ ପକ୍ଷରୁ କୌଣସି ସୂଚନା ଦିଆଯାଇ ନାହିଁ। ଆମେରିକା ଫେଡେରାଲ ଯାଞ୍ଚ୍ ବ୍ୟୁରୋ ଦ୍ୱାରା ଅପରାଧୀଙ୍କ ଚିହ୍ନଟ ପାଇଁ ବ୍ୟବହୃତ କରାଯାଉଥିବା ସିଷ୍ଟମ୍ ଆଧାରରେ ଏହାକୁ ପ୍ରସ୍ତୁତ କରାଯାଇଥିବା କୁହାଯାଉଛି।