ଭୁବନେଶ୍ୱର,୬।୨ (ବ୍ୟୁରୋ):ଗତ ୯ଦିନ ଧରି ଖଣ୍ଡଗିରି ପାହାଡ଼ରେ ଚାଲିଥିବା କୁମ୍ଭମେଳା ରବିବାର ଅଗ୍ନି ଉସତ୍ବ ସହ ଶେଷ ହୋଇଛି। ଅନନ୍ତ ଗୁମ୍ପା ସମ୍ମୁଖରେ ଚାଲିଥିତ୍ବା ମହାଯଜ୍ଞରେ ବିଳମ୍ବିତ ରାତିରେ ପୂର୍ଣ୍ଣାହୂତି ଦିଆଯାଇଥିଲା। ରବିବାର ହୋଇଥିବାରୁ ହଜାର ହଜାର ଶ୍ରଦ୍ଧାଳୁ ଖଣ୍ଡଗିରିରେ ପହଞ୍ଚତ୍ଥିଲେ। ସାରା ଦେଶରୁ ଏଠାକୁ ଆସିଥିବା ସାଧୁ ସନ୍ନ୍ୟାସୀ ବିଦାୟ ନେବା ପୂର୍ବରୁ ସେମାନଙ୍କ ଦର୍ଶନ ତଥା ଆଶୀର୍ବାଦ ନେବା ପାଇଁ ପ୍ରବଳ ଭିଡ଼ ଜମିଥିତ୍ଲା। ଲମ୍ବା ଧାଡ଼ିରେ ଅପେକ୍ଷା କରି ଲୋକମାନେ ସ୍ବାସ୍ଥ୍ୟଗତ, ଆର୍ଥିକ, ବ୍ୟବସାୟିକ ଓ ପାରିବାରିକ ସମସ୍ୟା ସମ୍ପର୍କରେ ପରାମର୍ଶ ନେଇଥିଲେ। ଦିନସାରା ଏପରି ଭକ୍ତିମୟ ପରିବେଶ ଦେଖିବାକୁ ମିଳିଥିଲା। ସନ୍ଧ୍ୟାରେ ଅଗ୍ନି ଉସତ୍ବ ଦେଖିବା ପାଇଁ ଲୋକଙ୍କ ମଧ୍ୟରେ ଉସତ୍ାହ ପ୍ରକାଶ ପାଇଥିଲା। ସେହିପରି ୯ଦିନ ଧରି ବାରଭୂଜା ପୀଠସ୍ଥିତ ହନୁମାନ ମନ୍ଦିର ପ୍ରାଙ୍ଗଣରେ ଚାଲିଥିବା ନବାହ୍ନ ପାରାୟଣ ଉଦଯାପିତ ହେବା ସହ ରାମାଭିଷେକ ଅନୁଷ୍ଠିତ ହୋଇଥିଲା। ମହାଯଜ୍ଞ ପୂର୍ଣ୍ଣାହୂତି ପାଇଁ ହଜାର ହଜାର ସଂଖ୍ୟାରେ ନଡ଼ିଆ ଦାନ କରିଥିଲେ। ରାତିରେ ହିଁ ଅନେକ ସାଧୁ ସନ୍ନ୍ୟାସୀ ଖଣ୍ଡଗିରି ପୀଠରୁ ବାହୁଡ଼ିଯାଇଥିଲେ। ଭିଡ଼ ମୁକାବିଲା ପାଇଁ ପୋଲିସ୍ କର୍ମଚାରୀଙ୍କୁ ନାକେଦମ୍ ହେବାକୁ ପଡ଼ିଥିଲା।
କୁମ୍ଭମେଳା ସରିଥିଲେ ମଧ୍ୟ ଆଉ ୫ଦିନ ଅପେରା ଦେଖାସହ ମୀନାବଜାର ବୁଲା ଜମିବ। ୧୦ ତାରିଖ ପର୍ଯ୍ୟନ୍ତ ଯାତ୍ରା ମହାସମର ଜାରି ଥିବାବେଳେ ରବିବାର କୋଣାର୍କ ଗଣନାଟ୍ୟ ଓ ଯାତ୍ରା ସ୍ବର୍ଣ୍ଣମହଲ ସାମିଲ ହୋଇଛି। ପ୍ରଥମ ରାତିରେ କୋଣାର୍କ ଗଣନାଟ୍ୟ ପକ୍ଷରୁ ନାଟକ ‘ତୋ ବିନା ମୁଁ ଅଧା ଅଧା’ ଦର୍ଶକଙ୍କୁ ପ୍ରଶଂସା ସାଉଁଟିଥିଲା। ଯାତ୍ରା ସ୍ବର୍ଣ୍ଣମହଲରେ ‘ହାଟ ବସେଇଛି ହଟ ନାଗରୀ’ ଦର୍ଶକଙ୍କ ମଧ୍ୟରେ ରୋମାଞ୍ଚ ଭରିଥିଲା। ତେବେ ଯାତ୍ରା ସ୍ବର୍ଣ୍ଣମନ୍ଦିର, ଅପେରା ସାଇ ସମ୍ରାଟ ଦ୍ୱିତୀୟ ଦିନରେ ମଧ୍ୟ ନାଟକ ଦୋହରାଇଥିଲା। ଯାତ୍ରା ରଙ୍ଗମହଲରେ ୫ ରାତି ସମାନ ନାଟକ ‘ଚାଲିବା ଆଗରୁ ବାଟ ସରିଲା’ ପରିବେଷଣ ହେଉଥିଲେ ମଧ୍ୟ ଦର୍ଶକଙ୍କ ଭିଡ଼ କମୁନାହିଁ। ଶିବାନୀ ଗଣନାଟ୍ୟରେ ମଧ୍ୟ ପୁଣିଥରେ ସମାନ ନାଟକ
‘ଆଖି ତୋର ଲୁହ ମୋର’ ଦର୍ଶକଙ୍କ ଆଖିରେ ଲୁହ ଭରିଥିଲା।