ବାରାଣସୀ,୧୨।୨: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସଂସଦୀୟ ନିର୍ବାଚନମଣ୍ଡଳୀ ବାରାଣସୀର ଭେଲୁପୁର ପୋଲିସ ଷ୍ଟେଶନରେ ଏକ ଏଫଆଇଆର ମାମଲା ରୁଜୁ ହୋଇଛି। ଆଇଟି ଆକ୍ଟ ଅଧୀନରେ ଏହି ଏଫ୍ଆଇଆର୍ ୧୮ ଜଣଙ୍କ ନାଁରେ ରୁଜୁ କରାଯାଇଛି। ଏହି ୧୮ ଜଣଙ୍କ ମଧ୍ୟରେ ଗୁଗୁଲର ସିଇଓ ସୁନ୍ଦର ପିଚାଇଙ୍କ ନାଁ ରହିଛି। ଆଇଟି ଆକ୍ଟ ଅବମାନନା ଏବଂ ଷଡଯନ୍ତ୍ର ପାଇଁ ସେମାନଙ୍କ ବିରୋଧରେ ଏକ ମାମଲା ଦାୟର କରାଯାଇଛି। ଏହି ମାମଲା ଫେବୃଆରୀ ୬ରେ କୋର୍ଟଙ୍କ ନିର୍ଦ୍ଦେଶ ପରେ ପଞ୍ଜିକୃତ ହୋଇଛି। ବାରାଣସୀର ଗୌରିଗଞ୍ଜ ଅଞ୍ଚଳରେ ରହୁଥିବା ଗିରିଜା ଶଙ୍କର ଏହି ଏଫଆଇଆର ଦାଖଲ କରିଛନ୍ତି। ଗିରିଜା ଶଙ୍କର ଅଭିଯୋଗ କରିଛନ୍ତି ଯେ ପ୍ରଧାନମନ୍ତ୍ରୀ ମୋଦିଙ୍କ ବିରୋଧରେ ଅଶ୍ଳୀଳ ମନ୍ତବ୍ୟ ଦେଉଥିବା ଭିଡିଓ ତାଙ୍କ ହ୍ବାଟ୍ସଆପ ଗ୍ରୁପରେ ଆସିଥିଲା। ଗିରିଜା ଶଙ୍କର ଉକ୍ତ ନମ୍ବରକୁ କଲ କରି ଭିଡିଓ ଉପରେ ପ୍ରଶ୍ନ କରିଥିଲେ, ଯାହା ପରେ ୟୁଟ୍ୟୁବରେ ଏକ ଭିଡିଓ ଦେଖାଯାଇଥିଲା। ଗିରିଜା ଶଙ୍କରଙ୍କ ମୋବାଇଲ ନମ୍ବର ଏଥିରେ ରଖାଯାଇଥିବା ଅଭିଯୋଗ ହୋଇଛି। ସେବେଠାରୁ ତାଙ୍କ ମୋବାଇଲ ଫୋନରେ ତାଙ୍କୁ ହତ୍ୟା କରିବାର ଧମକ ଦିଆଯାଉଛି। ୟୁଟ୍ୟୁବରେ ଗିରିଜା ଶଙ୍କରଙ୍କ ମୋବାଇଲ ନମ୍ବର ରଖିଥିବା ବ୍ୟକ୍ତି ହେଉଛନ୍ତି ବିଶାଲ ସିଂ, ଯିଏ ୟୁଟ୍ୟୁବରେ ଏକ ଭିଡିଓ ପ୍ରସ୍ତୁତ କରିଛନ୍ତି ଏବଂ ଏଥିରେ ଗିରିଜା ଶଙ୍କରଙ୍କ ନମ୍ବର ରଖି ଏକ ଗୀତ ତିଆରି କରିଛନ୍ତି ଯେ ଏହି ବ୍ୟକ୍ତି ତାଙ୍କ ଜୀବନ ପ୍ରତି ବିପଦରେ ଅଛନ୍ତି। ସେବେଠାରୁ ଗିରିଜା ଶଙ୍କରଙ୍କୁ ୮୫୦୦ କଲ ଆସିଛି। କଲ୍ ଯୋଗେ ତାଙ୍କୁ ହତ୍ୟା କରାଯିବାକୁ ତାଙ୍କୁ ଧମକ ଦିଆଯାଉଛି।
