ବୌଦ୍ଧ, ୨୭।୯(ଡି.ଏନ୍.ଏ.): ବୌଦ୍ଧ ମୁଖ୍ୟ ଚିକିତ୍ସାଳୟରେ ମଙ୍ଗଳବାର ଭୟାବହ ଅଗ୍ନିକାଣ୍ଡ ଘଟିଛି। ଔଷଧ ବିତରଣ କେନ୍ଦ୍ରରେ ନିଆଁ ଲାଗିଥିବା ଜଣାପଡ଼ିଛି। ଖବର ପାଇ ଅଗ୍ନିଶମ କର୍ମଚାରୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଛନ୍ତି। ବହୁ ଔଷଧପତ୍ର ପୋଡ଼ି ଯାଇଥିବା ଜଣାପଡ଼ିଛି ।
ସୂଚନା ଅନୁଯାୟୀ, ବୌଦ୍ଧ ମୁଖ୍ୟ ଚିକିତ୍ସାଳୟର ଔଷଧ କେନ୍ଦ୍ରର ଗୋଦାମ ଗୃହରୁ ହଠାତ୍ ଧୂଆଁ ବାହାରିବାରୁ ମେଡିକାଲ କର୍ମଚାରୀ କବାଟ ଖୋଲି ଦେଖିଥିଲେ। ନିଆଁ ଲାଗିଥିବା ଦେଖି ଅଗ୍ନଶମ କର୍ମଚାରୀକୁ ଖବର ଦେଇଥିଲେ। ଘଟଣାସ୍ଥଳରେ ଦମକଳ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛି। ନିରାମୟ କେନ୍ଦ୍ରର ବହୁ ଔଷଧପତ୍ର ପୋଡ଼ି ଯାଇଥିବା ବେଳେ ଔଷଧ ବିତରଣ ବର୍ତ୍ତମାନ ବନ୍ଦ ରହିଛି । ତେବେ ଅଗ୍ନିଶମ ବାହିନୀ ସଙ୍ଗେ ସଙ୍ଗେ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲା ।