ରାୟଗଡ଼ା ଅଫିସ,୨୯।୧୦: ରାୟଗଡ଼ା ସହରର କପିଳାସ ରୋଡ଼ରେ ଥିବା ଏକ ହାର୍ଡୱେର ଦୋକାନରେ ଅଗ୍ନିକାଣ୍ଡ ଘଟିଛି। ଏଥିରେ ପ୍ରାୟ ୨ କୋଟିରୁ ଊର୍ଦ୍ଧ୍ବ ଟଙ୍କାର ସାମଗ୍ରୀ ପୋଡ଼ି ନଷ୍ଟ ହୋଇଯାଇଛି। ଶୁକ୍ରବାର ରାତିରେ ଏହି ଅଗ୍ନିକାଣ୍ଡ ଘଟିଥିଲା। ବିଳମ୍ବିତ ରାତିରେ ଘଟଣା ଘଟି
ଥିବାରୁ ନିଆଁକୁ ଆୟତ୍ତକୁ ଆଣିବା କଷ୍ଟକର ହୋଇଥିଲା। ଫଳରେ ହାର୍ଡୱେର ଦୋକାନ ସମେତ ପାଖ ଔଷଧ ଦୋକାନ ଏବଂ ଅନ୍ୟ କିଛି ଦୋକାନକୁ ମଧ୍ୟ ନିଆଁ ବ୍ୟପି ଯାଇଥିଲ। ଖବର ପାଇ ଦମକଳ ବାହିନୀ ଘଟଣାସ୍ଥଳରେ ପହଞ୍ଚି ନିଆଁ ଲିଭାଇବା କାର୍ଯ୍ୟ ଆରମ୍ଭ କରିଥିଲେ ହେଁ ବହୁ ସମୟ ପରେ ଆୟତ୍ତକୁ ଆସିଥିଲା। ନିଆଁ ଲାଗିବାର କାରଣ ଜଣାପଡ଼ି ନ ଥିବା ବେଳେ ଶର୍ଟସର୍କିଟରୁ ଏହା ଘଟିଥିବା ସନ୍ଦେହ କରାଯାଉଛି।